02 авг 2014 10:40Тоҷикистон / Иҷтимоӣ

Се назар: Дар кори додситонҳо чӣ мояи нигаронист?

Дар пасманзари афзоиши гуфтугузор оиди фаъолияти ғайрикасбии мақомоти додситонӣ “Озодагон” аз коршиносон суол кард, кадом шеваи кори масъулини ин ниҳод мояи нигаронист?

Маҳдӣ Собиров, коршинос:

Дар фаъолияти мақомоти додситонӣ пеш аз ҳама бо роҳи хешу ошнобозӣ таъин шудани кормандон боиси нигаронист. Дуввум, ришва дар ин мақомот хеле чуқур реша давондааст. На ҳама вақт ба ҷинояткор ҷазои мувофиқ медиҳанд. Дар саросари кишвар шаҳрвандон аз фаъолияти кормандони ин идора норозианд. Бояд роҳбарияти ин мақомот фаромӯш накунанд, ки халқ хама чизро мебинад ва баҳо медиҳад. Баҳои халқ имрӯз ба ин мақомоти муҳими давлатӣ ғайриқаноатбахш буда, дар симои баъзе кормандони прокуратура онҳо ришваситонҳоро мебинанд.

Файзинисо Воҳидова, ҳуқуқшинос:

Аслан дар хусуси камбудиҳои ин ниҳод роҳбари давлат дар коллегияи прокуратураи генералӣ гуфт ва ҳамаи он воқеан дар фаъолияти ин мақомот ҷой доранд. Пеш аз ҳама дар мақомоти додситонии Тоҷикистон муносибати хуб бо шаҳрвандон нест, ҳамеша ва ҳама корҳояшон танҳо бо истифода аз таҳдид аст. Ман шахсан медонам, ки масъулини ин мақомот танҳо як ибора ва як мафҳумро шеваи кори худ кабул кардаанд: “Ҳабсат мекунам". Яъне ин як усули таҳдид мебошад, ки мардум аз тарс ба ҳама шартҳои масъулин ризо мешаванд. Хеле ташвишовор аст, ки прокуратураи тоҷик имрӯз танҳо барои омор кор мекунад, на барои адлу волоияти қонун. Ба омори парвандаҳои ҷиноятии ба суд ирсолгардида ва тавассути назорати умуми шумораи арзу шикоятҳо, ҳама ба омор дода шуда, касе аз тақдири шаҳрвандони ин кишвар парво надорад. Роҳбари давлат дар баромадаш гуфт, ки ҳазорҳо шаҳрвандонро ҳабс карданду ҳазорҳо кӯдаконро ятим карданд, ки худи ҳамин гуфтаҳо исботи он аст, ки прокуратураи имрӯзаи тоҷик бо фаъолияти хеш машғул набуда, танҳо барои пешниҳоди омор ва содиқ будани ин мақомот дар назди ҳукумати кишвару шахсиятҳои аввали давлат равона карда шудааст ва аз ин ҷост, ки имрӯз обрую нуфузи мақомот коста гардида, дар симои ин макомот мардум танҳо як ниҳоди ҷазодиҳандаро мебинанд.

Диловар Раҷабов, сокини шаҳри Душанбе:

Фаъолияти прокуратура сол ба сол коста гашта истодааст. Далелаш ин суханони роҳбари давлат дар колегияи пракуратураи генералӣ нисбати ин мақомот буд. Фасод тамоми ин мақомотро фаро гирифтааст. Функсияи калидии мақомоти прокуратураи кишварро дар мавриди мубориза бо коррупсия дигар мақомот гирифт, ки ин боиси нигаронист.

Мӯҳр

Хабарҳои монанд:

Лочарам

Просто Прокротураро функсияхояшро Агенти назорати молия ичро кардесаи, барои хамин кариб бекор мондагианд.

Ҷавоб диҳед Иқтибос Шикоят

Шамс

Прократура не,П О Р А кратура

Ҷавоб диҳед Иқтибос Шикоят

Садом

Чашме, ки надорад назаре халкаи дом аст,
Хар лаб, ки сухансанч набошад лаби бом аст.
Дар макомот ашхосе кору фаъолият анчом пазируфт ва пазируфта истодааст, ки барои баркарории Хокимияти конуни, истикрори сулх дар чомеа ва амсоли ин корхои шоёни тахсинро анчом дода, бо амалхои накуи худ сохиби хурмату эхтироми умум гаштаанд ва набояд,ки дар симои хамаи кормандони прокуратура калобу ришвахорхоро кашф кард. Наход, ки дар баробари ин танкидхо нисбати амалхои хуби ин макомот ва шахсияти алохидаи он иборае навиштан мумкин набошад.

Ҷавоб диҳед Иқтибос Шикоят

Эзоҳ илова кунед