Ба хоксупории ҷасади Сайёду Далер дар гӯристони Хоруғ (АКС)
Ҷасади Сайёд Охонқадамов -- сокини маҳаллаи УПД ва Далер Хушдилов --сокини маҳаллаи Бархоруғи Хоруғ, ки субҳи 5 август дар наздикҳои маркази Бадахшон пайдо гардид, баъд аз зуҳри сешанбе ба хок супорида шуд. Дар маросими дафни онҳо афроди зиёде гирд омада буданд.
Шаби 4 ба 5 августи соли ҷорӣ дар маҳаллаи Ниводаки шаҳри Хоруғ, маркази вилояти Бадахшон, ин ду ҷавон бо истифода аз силоҳи оташфишон кушта шуданд, вале то ҳол маълум нест ин кор аз тарафи кӣ сурат гирифтааст. Мақоомти пулиси Хоруғ мегӯянд, дар ин замина парванда боз шуда, тафтиши қазия идома дорад. “Онҳо дар дохили автомашина кушта шудаанд”,-гуфтанд бархе аз сокинони маҳаллӣ дар сӯҳбат бо “Озодагон”. Ба қавли мусоҳибони мо, ҷасади ин ду ҷавон субҳи 5 август дар наздикиҳои маркази Хоруғ ёфт шудааст, ки онҳоро аз сарашон парондаанд.
Алим Шерзамонов, раиси Ҳизби сотсиал-демократи Тоҷикистон дар Бадахшон, ки Сайёду Далерро аз афроди наздик ба худаш медонад, қазияи куштори онҳоро бисёр мубҳам ва нигаронкунанда донист. Ӯ гуфт, гӯиё мақомоти амниятӣ фарзия доранд, ин ду ҷавон ҳамдигарро куштаанд.
Шерзамонов дар идома дар бораи вазъи кунунии Хоруғ низ суҳбат кард ва гуфт, рӯзи 4 август чархболҳои ҳарбӣ озими ин шаҳр шудаанд. “Илова бар ин, аз дигар минтақаҳо ҳам ОМОН ба Хоруғ омадааст”,-афзуд Алим Шерзамонов.Дар акси аввал: Сайёд (аз тарафи рост) ва Далер (аз тарафи чап)
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |