Тағйироти кадрӣ дар ширкати IRS

Абдулмаҷид Шарипов, директори техникии ширкати IRS интихоб шуда, роҳбари пешини ин бахш аз вазифааш сабукдӯш гардид.

---

Дар ин бора ба хабаргузории «Озодагон» зимни як сӯҳбати телефонӣ Рустам Абдуллоев иттилоъ дод.Ба қавли номбурда, алъон ӯ маснади муовини сарвари маркази татбиқи лоиҳаи роҳи Душанбе –Чаноқро ба ӯҳда гирифтааст.

Маврид ба ёдоварист, мавсуф қабл аз ба IRS ба кор омаданаш дар   идораи «ИноВето» фаъолият дошт ва пеш аз он дар маркази татбиқи лоиҳаи роҳи Душанбе-Чанақ ҷонишини директор шуда кор мекард.  «Вақте намояндагони ширкат омада, бо роҳ шинос шуданд, бо сабабе, ки дар онҷо сохторҳои нигоҳдорӣ ва истифодабарии роҳро ташкил кардан даркор буд. Бо тариқи шартнома маро дар вазифа директори техникии ширкати IRS  ба кор даъват карданд ва то ин муддат фаъолият намудам. Низоми роҳдориро ва сохторҳои онро ташкил карда будам, мӯҳлати шартнома кариб, ки тамом шуда буд. Маркази татбиқи лоиҳаи роҳи Душанбе-Чаноқ  имрӯз зарур донистанд, ки ман ҳамчун мутахасисси соҳибтаҷриба барои ҷамъият дар ин кор нафъи бештар хоҳам расонд»,- мегӯяд Рустам Абдуллоев.{jathumbnail off}

Мӯҳр