Мақоми нави Шамс Қосим ва назорати бунёди биноҳои УЦА
Шамс Қосим Лакха раҳбари нави Кумитаи иҷроияи Донишгоҳи Осиёи Марказӣ (УЦА), ки марбути Бунёди рушди Оқохон мебошад, таъин гардидааст. Ӯ дар ин вазифа ҷараёни сохтмони биноҳҳои УЦА дар Тоҷикистону Қирғизистон ва Қазоқистонро назорат хоҳад кард.
Оқои Лакха ҳамзамон намояндаи Бунёди рушди Оқохон дар Қирғизистон низ мебошад. Ӯ дар гузашта дар ҳукумати Покистон ба ҳайси вазири маориф, вазири илм ва технология ифои вазифа кардааст. Солҳои 2001-2002 Шамс Қосим Лакха раҳбари як гуруҳи корӣ будааст, ки дар омода кардани лоиҳаи ислоҳоти таҳсилоти олии Покистон нақши бориз доштааст.
Қосим Лакха, инчунин, раиси маркази башардӯстии Покистон аст ва узви ифтихории мактаби муносибатҳои байналмилалии Мунки Донишгоҳи Торонто мебошад. Ӯ барои корҳои илмӣ ва ҷамъиятиаш аз ҷониби Донишгоҳи МакМастер ва Донишгоҳи Оқохон соҳиби унвони фахрӣ гардидааст.
Бар замми ин, Лакха аз ҷониби раиси ҷумҳури Покистон соҳиби ҷоизаҳои “Ситораи имтиёз” ва “Ҳилоли имтиёз” шудааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |