01 сен 2014 15:19Тоҷикистон / Иҷтимоӣ

Луқмон Бойматов: Дар сарзамине, ки адолат асир аст, фазилат хор мешавад

Дар остонаи оғози соли нави хониш ва дар пасманзари гуфтугузорҳо перомуни беқадрии донишу донишмандон дар Тоҷикистон “Озодагон” бо суоли “Оё дониш дар Тоҷикистон арзиш дорад” назари 7 рӯшанфикрро нашр кард, ки вокунишҳои зиёдеро аз ҷониби хонандаҳои сомона ба миён овард. Муаррих Луқмон Бойматов ҳам андешаи худро унвонии хабаргузорӣ ирсол кардааст, ки пешниҳоди шумо мешавад.

“Бо камоли таъассуф, ҷомеаи таърихан маҳрум ва мазлуми Тоҷикистон дар кӯтоҳтарин муддат (пас аз касбии истиқлол) ба як ҷомеъаи нимҷони бесавод бадал шуд. Бадбахтӣ аст, дар асри пирӯзиҳои илм ва текноложӣ, аҳли илму фарҳанги Тоҷикистон хешро бо ақабмондатарин кишварҳои муъосир муқоиса намояд!

Маншаъи фоҷеъаи фарҳанги миллиро дар тарзи тафаккури аъмоли рӯшанфикрон ва аҳли зиёяш бояд ҷуст! Фикре, ки аз дурӯғ ҷон гирифтааст, наметавонад ростиро бар арҷ гузорад. Чӣ ҷои пинҳон аст, ҳамакнун, 99 дар сади аҳли зиё ва босаводони мо на танҳо, ба мардум, балки бар виҷдони хеш хиёнат мекунанд. Онон, ба ҷои ростӣ, дурӯғҳои маҳзро менишинонанд, ба ҷои поси адл, беадолатиро тавсиф, ба ҷои интиқоди иштибоҳот, ташвиқи хатоҳоро мекунанд! Хиёнатҳои аҳли зиё табдил ба силсилаи шиорҳои миллат шудаанд.

Зиёиёни хоин чунон маддоҳ ва почахорони қудрат шудаанд, ки ҳатто шахсият ва шаънашонро барои “ҳомиёнашон” арзонӣ кардаанд. Рӯшанфикре, ки маддоҳи қудрат асту эҳтироми мардумашро надорад, касифтарин ҷонвари босавод аст. Аҳли зиёи мо на ба дин содиқанд, на бар таълимоти ҳақиқат. Ҷомеъае, ки дар он аҳли саводаш андешаи бандагӣ ва худфуруширо бар мардумаш таҳмил менамояд, ҳаргиз рӯи саодатро нахоҳад дид. Аммо мардум худ гунаҳкор аст, ки бесаводонро дар батни хеш тарбият менамояд. Ҷомеа худ муқассири сарнавишташ аст. Вай бояд тарзи биниши хешро тағйир бидиҳад ва рӯ ба ҳақиқату адолат ниҳад! Дар сарзамине, ки адолат асир аст, фазилат хор мешавад.

Ҷомеа, агар олимону муаллимони бесаводашро аз маърака берун кунад, адолат нафас хоҳад кашид ва илму фарҳанг сар боло хоҳад кард!"

Мӯҳр

Хабарҳои монанд:

Asom Khayriddinov

Устод, дар кадом сарзамин ё гушаи дунё адолат аст? Дар хеч чои дунё адолат нест. (Устоди азиз чанд маротиба дари хонаатон омадам, мутаасифона шуморо пайдо накардам, хар чое хастед саломат бошед, сухбатхои пурмазмуни шуморо хеч гох фаромуш намекунам.( Асомиддин))

Ҷавоб диҳед Иқтибос Шикоят

душанбе

барои макола хеле миннатдорам. рост аст.

Ҷавоб диҳед Иқтибос Шикоят

Анушервон

Устоди мухтарам Лукмон! Аз мост,ки бар мост-гуфтаанд. Якчоя кушиш кунем, ки пеши рохи чунин маддохи гирифта шавад. Шумо низ зиёи ва равшафикред ва ба ислохи камбудихои чомеа мувазафед. Агар хама аз як гиребон сар бароранд, бешубха пешравихо зиёд ва камбудихо бартараф хоханд шуд. Мо бояд имруз пеш аз хама аз он тарсем, ки сиёхкуниии хамдигараморо миёни ахли илму дониш ва шахсони сохибмартаба бас кунем. То ки ин ба як каслаии сирояткунанда табдил наёбад. Ба гуфтани он ки ахли илму адаб бекадру хор гаштаанд, ба чое намерасем. Боки муваффак бошед устод.

Ҷавоб диҳед Иқтибос Шикоят

парвиз

НИХОЯТ СУХАНОНИ ДИЛНИШИН.РОСТУ БЕ ПАРДА.
ЗИНДА БОШЕД.ХАЛОВАТ БУРДЕМ.

Ҷавоб диҳед Иқтибос Шикоят

душанбе

Ака рахмати бе поен, барои хамин кадар равшан фикри. Саломат бощед.
Лек хозир факат иди кадуву харбузаву тарбузу асал гуед, ва мактабхои бодабдабаи бо муалимони бесаводу, ки ягон заррае саводноки надоранд, инро хам гап занед, ки ояндаи миллат на факат бо кирпичбарорию блок рези машхур шавад.

Ҷавоб диҳед Иқтибос Шикоят

Дорои ориёи

Мухтарам Бойматов, аён аст, ки ба он 99% зиёиёни хиёнаткор Шумо дохил нестед, аз руи шиори хама баданд ба гайр аз ман. Лутфан бигуед, ки аз дигар зиёиён Шумо чи бартари доред ва барои миллати точик чи хизмати арзанда кардаед.
Гумон намекунам, ки хамаи зиётёни точик хиёнаткор бошанд, шояд бештараш мадох бошанд, аммо нафарони ба илм ва миллат содик низ зиёданд.
Хуб мешуд агар хукумат олимони вокеан донишмандро дастгири мекард, ки барои пешрафти илм сахме гузоштаанд ва мегузоранд. Хар руз орден додан ба академикхои бесамар ба дарди чомеа намехурад. Хукумат барои олимони боистеъдод бояд имтиёз ва шароити мувофики кор дихад.
Донишманд дар чомеа хамон вакт кадр пайдо мекунад, ки маоши хуб гирад. Бо 500 сомони маош олимро касе писанд намекунад.

Ҷавоб диҳед Иқтибос Шикоят

Лукмон Бойматов

Салом око Асомуддин!
Барои суханони нек сипосгузорам.
Адреси эл. ман ин аст:
LukmanL43@mail.ru
Хушхол мешавам агар дар тамос бошем.
Л. Бойматов

Ҷавоб диҳед Иқтибос Шикоят

Эзоҳ илова кунед