04 сен 2014 15:31Тоҷикистон / Сиёсат

Оғози сохтмони роҳи Ворух-Исфара дар арафаи сафари Отамбоев ба Душанбе

Эмомалӣ Раҳмон, раисиҷумҳури Тоҷикистон дар мулоқот бо ҳамтои қирғизаш, Алмосбек Отамбоев, ки дар ҳошияи ҳамоиши сарони кишварҳои узви Созмони ҳамкории Шанхай дар Душанбе сурат мегирад, созишнома дар бораи бунёди роҳҳои наздимарзиро ба имзо хоҳанд расонд.

Дар ин бора ба “Озодагон” манбаъ аз мақомоти вилояти Суғд хабар дода, афзуд, ки тавофуқот дар мавриди роҳҳо дар сатҳи ҳукуматҳо аллакай ҳосил шудааст ва пеш аз зуҳри имрӯз бунёди роҳҳои наздимарзӣ дар ҳузури ноиби сарвазири тоҷик, Муродалӣ Алимардон ва ҳамтои қирғизаш Абдураҳмон Маматалиев низ оғоз гардид: “Нуқтаи ниҳоиро дар ин масъала бо имзои санади дутарафа сарони ду кишвар зимни мулоқоташон дар Душанбе хоҳанд гузошт.”

Манбаъ афзуд, дар маросими оғози сохтмони роҳи мустақими Исфара-Ворух, ки бе убур аз деҳаи қирғизии Оқсой амалӣ мешавад, инчунин Абдураҳмон Қодирӣ, раиси Суғд ва мушовири амниятии раисиҷумҳури Тоҷикистон, Шералӣ Хайруллоев иштирок доштаанд: “Сохтмон аз қаламрави Ворух оғоз шуда, мустақиман бо Исфара пайваст хоҳад шуд. Бар иваз қирғизҳо низ роҳи Қоқтош-Оқсой-Тамдиқро бунёд мекунанд.”

Мусоҳиби Озодагон таъкид намуд, ки феълан ба ҷои сохтмон техникаи зарурӣ дастрас карда шудааст, вале санаи анҷоми сохтмон ҳанӯз дақиқ нест: “Дар маросими оғози сохтмон Муродалӣ Алимардон ва Маматалиев бо сокинони наздимарзӣ суҳбат доштанд ва ҳар ду ҷониб аз бунёди роҳҳои мустақим истиқбол намуданд. Сокинон изҳор доштанд, ки бо ҳал шудани мушкили роҳ танишҳои марзӣ низ коҳиш хоҳанд ёфт.”

Ин дар ҳолест, ки Тоҷикистон бо Қирғизистон садҳо километр сарҳади номуайянро доранд, ки боиси таниш ва даргириҳои наздимарзӣ мегардад.

Мӯҳр

Хабарҳои монанд:

Скаф

Всё таки МЫ отступили. Чй кадар замин мехохй гир! Ба ман чака нарас. Ман ханашери майдонгариб ку!!!!!!!!!!!!!!!!!!!

Ҷавоб диҳед Иқтибос Шикоят

Патриот

Мардум, фикр кунед! Оё ояндагонамон моро хоханд бахшид. Наход мо тарсу бошем? Наход ба Хитой гузашт кунем, ба авгон гузашт кунем, ба киргизу узбак гузашт кунем... Хайфи точик. Миллат хор шуд. Миллатро ба нести мебаред "мухтарам" чанобон!!!!!

Ҷавоб диҳед Иқтибос Шикоят

Мухочир

Такдир хамин будас ! Халки малумотдори ( курсинишинхои аз Исфара то Душанбе ) ВОРУХИ бетараф то хол ягон маротиба дастгири ё ягон масаларо ба миён наовардаанд. Аллохи бузург бо мост галаба дар оянда аз они мо мешавад. ноумед нашавед. Мардони бомарифати ВОРУХЗАМИН .Худованд хакро дуст медорад.Бинобарин заминхои моро бо хосташ бар мегардонад. ( Бовар кунед ин киргиз як бало аз тарафи худо Ворух инчои некон аст. имруз бошад корхои аз доираи ислом берун бисёр шуда истодааст. Аз ХУДО битарсед.) Ягон сухани бечо нависта бошам узр мехохам.

Ҷавоб диҳед Иқтибос Шикоят

Эзоҳ илова кунед