25 сен 2014 16:39Тоҷикистон / Дин ва зиндагӣ / Тема дня

Фатвои Шӯрои уламо алайҳи "барангехтан"-и мардум зидди раҳбарон

Шӯрои уламои Маркази исломии Тоҷикистон, ягона ниҳоди содиркунандаи фатво дар кишвар, дар қарори ахири худ “барангехтани мардум алайҳи роҳбарон”-ро гуноҳи кабира хондааст.

Ин қарор дар ҷаласаи рӯзи 25 сентябри Шӯрои уламои Маркази исломии кишвар содир шуда, дар он аз ҷумла омадааст, “барангехтани мардум бар зидди роҳбарони худ, ба вуҷуд овардани фитна бо мақсади ноором гардонидан ва аз байн бурдани сулҳу субот ва ваҳдати ҷомеа гуноҳи кабира ва азим мебошад”.

Шӯрои уламо ҳамчунин ҳамкорӣ бо ташкилотҳои хориҷию дохилӣ, гуруҳҳу аҳзоб ва ВАО-е, ки мақсадашон барҳам задани амну субот ва ваҳдати миллӣ дар ҷомеа мебошадро аз нигоҳи Ислом нораво хондааст. Инчунин аъзои шӯро ба печидашавии авзои сиёсию иҷтимоии бархе аз кишварҳои дунё ва ҷалб шудани ҷавонони тоҷик ба нооромиҳои давлатҳои хориҷӣ ишора карда, фатво додаанд, ки “ҷанг бо мусулмонон дар кишвари онҳо, иштирок дар амалиётҳои ҷангӣ дар ҳама давлатҳо гуноҳи кабира мебошад”.

Шӯро гуфтааст, онҳо дар пайи баррасии авзои сиёсию иҷтимоии бархе аз кишварҳои дунё, тавсеа ёфтани ҷалби ҷавонон ба амалиёти ҷангию равандҳои ифротгароёна, дар Шарқи Наздик, ки таҳти унвони ҷиҳод идома дорад, инчунин кӯшиши баъзе ашхос, ки барои ноором кардани вазъи ҷомеа ва барҳам задани ваҳдати миллӣ бо гуруҳҳои ифротӣ ҳамдастӣ карда, дар миёни мардум фитнаву тафриқа эҷод менамоянд, эътимоди мардумро аз раҳбаронашон коста мегардонанд, ба ин қарор омада ва таъкид кардааст, ҳар нафаре, ин фатворо нодида мегирад, ӯро ғазаб ва азоби дарднок дар рӯзи қиёмат интизор аст.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

hhhh

хахахаха ин фатворо бин рохбарон масчиду сатру ришу намозхониро манъ мекунанд охоро азоби дарднок интизор набудаасту касе барои дифоъ аз хичобу масчиду сатру намозу фарзхои Аллох зидди хукуматдорон сухан гуяд у гунахкор мешудаст дар назди Аллох бо ин гапатон хатто кудаки синфи дурохам фиреб дода наметавонед

Ҷавоб диҳед Иқтибос Шикоят

Хушбахт

Эй бародарон ин фатвохо ба фатвохои пешвоёни аморати Бухоро монанд шуд. Хамин гуна фатвохо буд, ки мардумро гумрох карданду сарзамини точиконро таксибод карданд. Худо хидоятатон кунад!

Ҷавоб диҳед Иқтибос Шикоят

адам

шурои уламо барои чи бар зидди касоне ки риши мусулмононро метарошанд ё ин ки хичоби хохарони исломиро аз сарашон мегиранд ё ки то 18 сола ба масчид рафтанро манъ мекунанд фавое содир намекунеду агар давлат фатво закас кард дархол содир мекунед оё газаб ва азоби дардноки киёмат бар шумо намеояд? илтимос озодагон агар озоди чоп кун аз барои худо

Ҷавоб диҳед Иқтибос Шикоят

сино

агар давлат рохи ин хел корхоро нагирад мо хам мисли давлатхои дигар нотинч мешавем ба ёд оред ки соли 1993 чи хол доштем

Ҷавоб диҳед Иқтибос Шикоят

Абдулло

Шумо шурои уламо ин кадар зиди дин фатво мебароранд фатво пайдо намекунед хомуш меистед хамин ки кадом масули давлати хато кард барои ислохаш гуфтанд аз кучое фатво пайдо мекунед. аз худо битарсед шумо низ аз ин дунё ба пешгохи худо меравед чи чавоб медихед ? бисёр масулияти вазнин доред чаро то 18 сола манъ кардан чавононро аз ин намозхони фатво пайдо нашуд ?чаро русари хохари мусалмоната манъ кардан чизе нагуфтед? Чаро азонро манъ кардан хомушед ?чарохои зиёде хаст ки бояд чавобашро шурои уламо бигуяд ё фатво пайдо кунад
Худованд хама мову шуморо ба рохи рост хидоят кунад .

Ҷавоб диҳед Иқтибос Шикоят

точик

Хахаха .ин олимхои мо ягон маскарабозан ё ки дар хакикат аз худо наметарсанд? Амри воли ё итоат аз сардор дар холати хукми шаръи доштанаш вочиб меШавад

Ҷавоб диҳед Иқтибос Шикоят

муфти

динро хам масхара карданд фатвохои заказной э вой бар холи ин миллату уммат как будто азоби аламнок дар дасти онхо .

Ҷавоб диҳед Иқтибос Шикоят

talab

Салом
rosti az in guna "fatvoho" sharm, khanda, girya,tahqiri musalmonro mebinam chiguni jur,at mekunand bo ahkomi ilohi bozi mekuned Шӯрои уламои Маркази исломии Тоҷикистон, содиркунандаи фатво дар кишвар, “барангехтани мардум алайҳи роҳбарон”-ро гуноҳи кабира хондан. magar maskhara kardani dini mubini ISLOM nest!

Ҷавоб диҳед Иқтибос Шикоят

katolik

Туро э Саймукаррам аз ин дуруггуихо "азоби дарднок дар рузи киёмат интизор нест"?!

Ҷавоб диҳед Иқтибос Шикоят

chorbulaq

Хахахах)))) Асри санг,............наход олимони дин ин кадар бесаводу лаганбардор бошанд а?

Ҷавоб диҳед Иқтибос Шикоят

пурдонпур

Рузи иди курбонро ба хотири худро ширин кардан, яъне ба хотири нафси аммора ба рузи мавлуди хучаинат мегузарони ин гунохи кабира набудаасту камбудихо шумо ва шумобаринхоро ки рузи сангинро ба сари мардум овардаед ошкоро гуфтан гунохи кабира будааст.

Ҷавоб диҳед Иқтибос Шикоят

Эзоҳ илова кунед