29 сен 2014 12:45Оcиёи Марказӣ / Тоҷикистон
Нақзи як фармон барои иҷрои фармони дигари президент!?
Фаридун Маҳмадалиев, сухангӯи Вазорати мудофиа
Аввал ин ки конститутсияи Тоҷикистон хизмати ҳарбиро вазифаи муқаддас мешуморад. Дуюм ин ки талаботи қонуни ҷумҳурии Тоҷикистон дар бораи уҳдадориҳои умумии ҳарбӣ ва хизмати ҳарбӣ ҳаст. Сеюум фармони президенти кишвар аст дар бораи даъвати шаҳрвандон ба хизмати ҳатмии ҳарбӣ. Дар доираи ҳамин талаботи конститутсия, фармони президент ва қонуни Тоҷикистон, шаҳрванд уҳдадор аст, ки дар қайди ҳарбӣ бошад ва баъди дарёфти даъватнома ба комиссяи ҳарбӣ ҳозир шавад. Дар сурати ҳозир нашудани шаҳрванд ба комиссияи ҳарбӣ, тибқи моддаи сеи қонуни Тоҷикистон дар бораи хизмати ҳарбӣ ва уҳдадориҳои ҳарбӣ, мақомоти корҳои дохилӣ дар доираи ваколатҳои худ кор хоҳанд кард. Бар замми ин дар доираи ҳамин уҳдадорӣ кофтуков гузаронида мешавад, дар сурати мавҷудияти асоси қонуние, ки шаҳрвандон аз хизмати ҳарбӣ саркашӣ мекунанд ва ё ин ки қисми ҳарбиро худсарона тарк мекунанд, тибқи талаботи қонун онҳо боздошт мегарданду ба мақомоти зарурӣ фиристода мешаванд. Мардум талаботи ҳамин қонунро намедонанд, баъд мегӯянд, ки облава аст. Дар ҳолатҳое донишҷуён аз минтақаҳои гуногун дар маркази пойтахт таҳсил мекунанд, вале аз қайди ҳарбӣ намегузаранд. Ҳол онки онҳо талаботи қонунро вайрон мекунанд. Дар комиссариати ҳарбӣ муайян мекунанд, ки донишҷӯ ҳуқуқи озод будан ва ё ба таъхир андохтани хизмати ҳарбиро дорад ё на?
Амрулло Собирзода, коршиноси масоили амниятӣ
Даъват дар кишваре, ки ба роҳи иқтисоди бозаргонӣ меравад, мумкин нест. Як одамро даъват мекунем, дар 2 сол ӯ ҳеч чизе намеомӯзад. Аммо вақте артиш шартномавӣ аст, ӯ дар давоми 25 сол тамоми ҷузъиётро аз худ мекунад. Имрӯз як сенати Амрико омада барои мо дарс медиҳад, барои инки он артиши касбист ва вазифаашро хубтар медонад. Роҳи ягона дар ин замон ин аст, ки ба артиши касбӣ гузарем. Дар паси облава манфиатҳо ва пулу пора наҳуфта аст. Набошад дар Тоҷикистон ҳоло 600 ҳазор ҷавонони синну соли артиш ҳастанд. Боз қариб 1 миллион духтарон ҳастанд. Гарчанде раҳбари кишвар гуфта бошад, ки облава накунед, баъзе комиссариатҳои ҳарбӣ одамонро дошта аз ӯ 2 ҳазор доллар талаб мекунанду раҳояш мекунанд. Дар бемористонҳои ҳарбӣ корношоям кардани як аскар 5 ҳазор доллар меистад. Аммо имрӯз ҷавонмарди босаводу кордон генерал Шералӣ Мирзо вазири дифоъ таъин гардидааст ва алакай мо мушоҳида карда истодаем, ки облава 90 фоиз кам шудааст. Ва ҳоло тамоми қувваи генерал Шералӣ Мирзо барои аз байн бурдани облава рафта истодааст. Боварӣ дорем, ки агар Шералӣ Мирзо бошад, облава аз байн меравад.
Шокирҷон Ҳакимов, муовини раиси ҲСДТ
Сабаби асосии бар хилофи қонун ва амру фармон ва дастури президент амал намудани кормандони комисариатҳои ҳарбӣ ва мақомоти ҳифзи ҳуқуқ аз он гувоҳӣ медиҳад, ки онҳо масъулиятро барои чунин амалҳои ғайриқонуниашон дарку эҳсос намекунанд. То падидаю зуҳуроти номатлуб дар ҷузъу томҳои вазорати мудофиа ва дигар сохторҳои низомӣ вуҷуд дорад, шароити мусоид барои адои хизмати ҳарбӣ фароҳам нашавад ва кафолати амнияти аскарон таъмин нагардад, облава ҳамчун воситаи ҷалби ҷавонон ба артиш боқӣ мемонад. Кам кардани замони хизмат, такмили қонунгузорӣ ва муносибати якхела ба ҷавонон новобаста аз мақоми иҷтимоии онҳо ва ҷиноятҳои хусусияти коррупсионӣ дошта инчунин дигар тадбирҳо метавонанд ба таври ихтиёрӣ рафтани ҷавононро ба хизмати ҳарбӣ, ки ҳамзамон уҳдадории конститутсионии онҳо мебошад, таъмин намоянд.
Абдуазим Абдулваҳҳоб, журналист
Барои он, ки ҷавонон намераванд. Пас дигар роҳе нест!
Шавкатҷон Шарипов, раиси бахши ҲНИТ дар ноҳияи Ашт
Дастурҳои президент ба ҷуз характери рекламавӣ дигар ҳеч таъсир ба ҷомеаи Тоҷикистон расонида наметавонад. Агар дастурҳои президент амалӣ мешуданд, аз соли 2009 ба баъд набудани қувваи барқ дар Тоҷикистон барои наслҳои оянда "афсона" мешуд. Таъсири “облава” дар Тоҷикистон дар ин солҳои наздик аз байн рафтанаш аз эҳтимол дур аст. Чун тарбияи ҳисси ватандӯстиву ватанпарварӣ барои насли наврас зоҳирӣ буда, дар асл имрӯза ҷавонон ҳуввияти миллӣ ва мазҳабияшон ниҳоят коста шудааст. Бинобар ҷалби ҷавонон ба хидмати ҳарбӣ ба ҷуз бо роҳи облава имконнопазир аст. Агар ҳама лофу таърифҳое, ки дар бораи шароитҳои қисмҳои ҳарбӣ дар ВАО - и давлатӣ чоп мекунанд, рост мебуд, ҳеч ниёзе ба облава набуд ва даъватшавандагон бо хоҳиши худ нақшаро пур мекарданд.
Алӣ Мастов, таҳлилгар
Дар мо амали қонуни навишта ва нонавишта вуҷуд дорад. «Облава» мисли каблук, риш ва ҳиҷоб ба қонунҳои нонавишта марбут мешавад. Фармони навиштаи президент “дар бораи даъвати навбатӣ ба хизмати ҳарбӣ вуҷуд дорад” ва бар асоси он бояд “кори системавӣ” барои иҷрои ин фармон анҷом шавад. Бо таваҷҷуҳ ба муҳиту шароите, ки дар он хизмати аскарони оянда бояд гузаронида шавад, “облава” имрӯз ягона роҳи иҷрои фармони президент мебошад. Бинобарин дар ин савол, ки чаро фармони президент иҷро намешавад, як ҷавоби оддӣ вуҷуд дорад: Ҳар иттифоқе, ки наафтад, бояд фармони президентро “Дар бораи даъват” иҷро намуд.
Ашрафи Акрам, таҳлилгар
Қонуну дастурҳо танҳо дар қоғаз мемонаду амал дигар аст. Ин қонуну дастурҳо барои чашми мардум аст.
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
