01 окт 2014 14:36Тоҷикистон / Сиёсат / Рӯ ба рӯ

Ҳушдори генерал Раҳимзода аз вуруди террористҳо дар ниқоби гурезаҳо

Рамазон Раҳимзода, вазири умури дохилии Тоҷикистон имрӯз, 1-уми октябр зимни ифтитоҳи ҷаласаи Шӯрои ҳамоҳангсозии Созмони паймони амнияти дастаҷамъӣ дар Душанбе аз эҳтимоли афзоиши вуруди гурезаҳо, маводи мухаддир ва ҷангҷӯён аз Афғонистон ҳушдор дод.

Раҳимзода мегӯяд, дар пасманзари хуруҷи нерӯҳои байналмилалӣ аз Афғонистон ва осебпазир шудани амният дар ин кишвар “мо нодида намегирем, ки зери ниқоби гурезаҳо ба кишварҳои СПАД метавонанд террористҳо ва гуруҳҳои тахрибкор ворид шаванд.”

Раҳимзода суҳбат бо “Итар ТАСС” шарҳ додааст, ки "тибқи иттилои мо дар наздикиҳои сарҳад бо Тоҷикистон дар қаламрави Афғонистон гуруҳҳои террористӣ ва диверсионӣ ҷамъ омадаанд, ки метавонанд аз фурсат истифода карда, ба гуруҳи гурезаҳо ворид гарданду ба қаламрави СПАД роҳ ёбанд.”

Вазири умури дохилии Тоҷикистон аз сарҳади тӯлонии кишвари мо бо Афғонистон ёдоварӣ карда, таъкид намудааст, ки дар бархе аз минтақаҳо сарҳад ба таври лозимӣ ҳифз нашуда истодааст. Дар ҳамин ҳол Раҳимзода афзудааст, ки маркази нигоҳдории муваққатии гурезаҳо дар Тоҷикистон бояд таҷҳизонида шавад ва омадурафти муҳоҷирон ба қаламрави СПАД таҳти назорати қатъӣ бошад.

Ҷаласаи Шӯрои ҳамоҳангсозии раҳбарони мақомоти салоҳиятдори кишварҳои узви СПАД, ки дар Душанбе бо ҳузури дабири кулли ин созмон Николай Бордюжа идома дорад, ба муқовимат бо муҳоҷирати ғайриқонунӣ бахшида шудааст.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

كمنسيب

Ин як русиёхи аст барои додани сархад ба УРУС ! Бо хамин гуна бахонахо мехоханд сархади ТОЧИКРО ба УРУС диханд, и вазирои !!!!

Ҷавоб диҳед Иқтибос Шикоят

Чамшери Сосони

Точикистон дар ягон фурсат бояд сархадашро ба русхо такдим накунад.Солхои 1992-2005 афсару генералхои рус аз беаклии точикон истифода карда хазорон тонна моддахои мухаддираро ба Руссия интикол дода,дар сархад бба таври суни "ба мукобили кочокбарон" тир андохта тарики телевизион намоиш дода,давлату миллатро назди чомеъаи чахони номуташанич нишон дода,олами сармояро мегурезониданд.Ба замми ин русхо дар сархади тулонии мо хазор точикписаронро пул гирифта барои кочок мефиристоданд ва баъди бозгашташон хам героинро мегирифтанд ва хам точикписаронро мепарониданд.Ин корхои хароми онхоро хама медонанд.Беътарин вазъ барои мо ин дар оянда агар шавад мисли узбакхо бо толиони иронинажод бо дипломатия баромадан аст.Миллати мо дар назди рус кадре надорад.Додани сархад бошад обуруи давлату кишварро ба сифр бароварда,истиклолияти миллиро аз байн мебарад бародарон.

Ҷавоб диҳед Иқтибос Шикоят

Анушервон

Суханрони ва мафкураи ҷаноби вазир куллан хато, беасос, бепоя, бо вуҷуди ихтилофоти дохилии Афғонистон мардуми ин диёри бостони новобаста аз миллату мазҳабашон нисбати Тоҷикистон диду назари мусбат доранд ва ҳеҷ хатаре то рӯзи қиёмат аз ин давлати ҳамсоя ба мо намерасад.

Ҷавоб диҳед Иқтибос Шикоят

Эзоҳ илова кунед