Даъвати Раҳмон барои муборизаи дастаҷамъона бо “Давлати Исломӣ”
Эмомалӣ Раҳмон, раисиҷумҳури Тоҷикистон, зимни суханронӣ дар шаҳри Минск сарони кишварҳои Иттиҳоди давлатҳои мустақилро ба муборизаи дастаҷамъона бо “Давлати Исломӣ” даъват кард.
Раисиҷумҳури Тоҷикистон имрӯз, 10 октябр, дар ҳамоиши сарони кишварҳои ИДМ аз ҳамтоёнаш хостааст, ба хадамоти махсуси кишварҳояшон дастур диҳанд, то муштаракан алайҳи “Давлати Исломӣ” мубориза баранд. Эмомалӣ Раҳмон ҳушдор додааст, ки Давлати Исломӣ таҳдиди ҷиддӣ ба амнияти Иттиҳоди давлатҳои мустақил аст: “Пешниҳод мекунам, ки ба хадамоти махсуси кишварҳои ИДМ фавран дастур дода шавад, то барои бартарафсозии ин хатар фаъолияташонро ҳамоҳанг кунанд. Тибқи иттилои дарёфтии мо дар ҷангҳо барои ташкили гӯиё давлати исломӣ аз кишварҳои ИДМ аз сад то ҳазорҳо нафар меҷанганд.”
Дар ҷаласаи сарони кишварҳои ИДМ дар шаҳри Мински Белорусия раҳбарони Тоҷикистон, Қазоқистон, Қирғизистон, Узбекистон, Туркманистон, Арманистон, Озарбойҷон, Молдов, Русия ва Беларус иштирок доранд. Украинаро сафири ин кишвар дар Минск намояндагӣ мекунад.
Ҳушдори Раҳмон дар ин ҳамоиш дар ҳолест, ки қаблан Николай Патрушев, котиби Шӯрои амнияти Русия ва собиқ раҳбари ФСБ низ созмони “Давлати Исломӣ дар Ироқ ва Шом”-ро дар ҳоли ҳозир бузургтарин таҳдид барои амнияти ҷаҳон, аз ҷумла Иттиҳоди давлатҳои мустақил хонда буд. Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |