08 ноя 2014 17:20Тоҷикистон / Сиёсат / Рӯ ба рӯ / Тема дня

Тақозои Кабирӣ аз ҳукумат: Интихоботро ҳамчун фурсати нодир истифода баред

Муҳиддин Кабирӣ, райиси Ҳизби наҳзати исломии Тоҷикистон (ҲНИТ) гуфтааст, ҳар қадар интихобот шаффофу озод бигзарад, ҳамон андоза ба суботу амният таъсири мусбат мегузорад ва ҳар қадар он ғайридемократӣ баргузор шавад, ҳамон миқдор ба неруҳои ифротӣ ва тарафдорони таҳрим хидмат мекунад. Ин нуктаро райиси ҲНИТ 8 ноябр зимни ҷаласаи васеи моҳонаи ҳизбаш изҳор доштааст.

Ӯ афзуда, бояд ҳукумат, ҳизбҳо ва ҳамаи иштирокдорони ин раванд исбот кунанд, ки дар хидмати суботу амният ва ваҳдати миллӣ ҳастанд ё дар хидмати ифроту бесуботӣ: “Мо, ки тарафдори суботи кишвар ва ваҳдати миллӣ мебошем, бояд ин интихоботро ҳам дар ҳамин руҳия бигзаронем. То имрӯз бо сабру таҳаммули худ инро исбот кардем, дар оянда ҳам пойбандиамонро ба қонун ва мардумсолорӣ бояд нишон бидиҳем. Ҳамзамон, аз дигарон, аз ҷумла, аз ҳукумат ҳам тақозо намоем, ки дар масъалаи таҳкими ваҳдати миллӣ, татбиқи меъёрҳои конститутсия, қонунҳо ва демократия қадамҳои мушаххас ва ҷиддӣ бардоранд. Ин интихоботро ҳамчун фурсати нодир истифода баранд”.

Маҳмудҷон Файзраҳмонов, сухангӯи ҲНИТ мегӯяд, дар ин ҷаласа раисони шӯъбаҳои вилоятӣ ва минтақавии ҳизб аз омодагӣ ба интихоботи парлумонӣ ва фаъолияти ситодҳои маҳаллии ҳизб гузориш додаанд. “Тибқи гузоришҳо, таваҷҷуҳи қишрҳои гуногун, аз ҷумла, ҷавонон нисбат ба ҲНИТ бештар гаштааст. Масъулини ҳизб гуфтанд, ки фишори мақомот моҳи ахир камтар гашта, ҳодисаҳои ошкоро помол кардани ҳуқуқи аъзо ва ҷонибдорони ҳизб сабт нашудааст”.

Муҳиддин Кабирӣ, райиси ҲНИТ барои баргузор намудани Анҷумани пешазинтихоботӣ зеркомиссияе дар Ситоди интихоботӣ ташкил карда, аз масъулини он хостааст, масъалаи гирифтани иҷозати толор барои баргузории анҷумани пешазинтихоботиро пайгирӣ намуда, “дар ҳолати зарурӣ ба Дастгоҳи президент барои мусоидат муроҷиат намоянд”.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

МУХОЧИРБАЧЧА

ХУДО КУВВАТ БА ХАКПАРАСТОН ВА ДЕМОКРАТОНИ ВОКЕИ

Ҷавоб диҳед Иқтибос Шикоят

Shohbulut

Озодагони, вале буйи озодӣ надорӣ!

Ҷавоб диҳед Иқтибос Шикоят

bale

Komilan Gapoi ighoi Kabiri munsifonaast

Ҷавоб диҳед Иқтибос Шикоят

Мехр

Кабири Шумо ва дигар вахдати миллисозхо як маротиба мардума фиреб додагиед, хама молу мулки давлата тарака кардед. Монед ва фаромуш кунед ин фурсати нодиратона, то ки наслхои Истиклол Ватана обод кунанд.

Ҷавоб диҳед Иқтибос Шикоят

Саид

Устод Кабири агар Шумо тавонед, ки ХНИТ-ро пароканда кунед, бехтарин ва чавонмандтарин хидмати Шумо барои МИЛЛАТ хохад буд. Башарият имруз дигар режимхои исломиро кабул надорад. Монед мардуми бечора ибодати худро озодона намояд. Агар имруз хизби Шумо намебуд, хама мансабдорон низ озодона ба масчид мерафтанд. Хизмати хирсонаи хизби Шумо барои миллат хамин аст, ки касе ба масчиди Худо равад, уро пайрави Шумо медонанд. Вале таърих гуво аст, ки хизби Шумо бо миллат ва Давлати Точикон чи раво дида буд. Озодагон аз Кабири озод боши чоп кун. Касе бахс дорад омодаам чавоб гуям ва исбот кунам ки хама бадбахтихоро ба сари миллат солхои 90-ум хамин хизб, лидеронаш ва козии замон оварда буданд.

Ҷавоб диҳед Иқтибос Шикоят

патоиот

Саид, Ташаккур! Бехтарин суханхо, хайрият, ки мардуми бомаърифат каме бошад хам хастанд. Аз Кабири ба ягон кас фоида нест, ман хайрон умуман вай оё ба худо бовари дошта бошад?... Вай ислоиро факат бо максадхои гаразнок истифода бурда истодааст, дар фикри бехбудии халк ва ислом нест. Пуле, ки хочахои хоирчи ба вай медиханд бояд барои вайхо кор кунад. Албатта шароити зиндагиамон он кадар хуб нест, аммо аз хар кадоми мо вобастагии бисёр дорад. Каме бошад хам мо бояд барои ободи ватамон бе ягон хочахои хориичи (ягонтаи онхо дар фикри бехбудии мо нетанд) сахми худро гузорем, набояд факат фикри худамонро кунем, бояд ояндаи фарзандонамонро фикр кард. Касе, ки аклу маърифат дошта бошад, а кафои Кабири ва хамкасбонаш хеч гох намеравад. Бовар кунед дар ин чо манфиати халку ватан умуман нест, вайхо факат дар фикри шахсии худашон мебошанд!

Ҷавоб диҳед Иқтибос Шикоят

Эзоҳ илова кунед