Бахшҳо
11 ноя 2014 07:40Ҳуқуқи инсон

Насиба Қурбонова: Хушунати “модар – янга” маро қариб аз ҳамсарам ҷудо мекард

Маҳмудҷон РАҲМАТОВ

Хушунати “модар-янга” баъди вафоти “падар-амак” Насиба Қурбоноваи ҷавонро қариб аз ҳамсар ва падару модари воқеияш маҳрум кардааст. Насибаро, ки ҳоло 24-сола аст, вақте 8 моҳ дошт, амаки бефарзандаш - Шералӣ Қурбонов аз бародараш Абдусалом гирифт, то ба воя расонаду дар айёми пирӣ дастгиру мададгори ӯ шавад. Ҳамин тавр Насиба дар хонаи амакаш бузург шуда, ба шавҳар мебарояд. Бо пешниҳод ва васияти падар (амак), шавҳари ӯро ба хонадомодӣ қабул мекунанд, то сарпаноҳи хонадон бошад. Баъди вафоти “падар-амак” муносибати “модар – янга”, ки аз хӯрди ӯро ба воя расонида буд, якбора тағйир мехӯрад.


“Вақте ман ба дунё меоям, амакам аз сабаби надоштани фарзанд маро ба тарбияи худ мегиранд. То 18-солагӣ намедонистам, ки падари аслии ман на Шералӣ, балки Абдусалом аст. Вақте ин қиссаро шунидам, ҳатто аз падару модари аслии худ рӯй гардонидам. То вақти зинда будани амакам дар лабонам ханда буд, аммо имрӯз сад афсус, ки модарам ба суханҳои хоҳаронаш гӯш дода, маро доим ранҷ медиҳад. Мехоҳад, хонаро холӣ кунам. Акнун падару модари асилам низ маро дидан намехоҳанд. Ҳар рӯз аз хешовандони “модар – янга”-ам суханҳои қабеҳ мешунавам. Шавҳарам дар муқобили онҳо истодагарӣ карда натавонист ва ба хонаи модараш рафт”,- мегӯяд бо алам Насиба.

Насиба дар идома гуфт, ки сабаби ин ҳама озори ӯ манзили амакаш аст: “Маро худашон ба шавҳар доданд ва шавҳарамро ба хонадомодӣ қабул карданд. Ҳатто гуфтанд, ки дар дами пириямон нигаҳбони болои сарамон ту бо шавҳарат мешавӣ. Акнун падар вафот кард, модар бошад маро дар нимароҳ партофта, рафтанист. Ҳатто падару модари асили худро тарк кардам, имрӯз бошад, чӣ суханҳоеро нашунидам. Ҳоло бо ду кӯдак дар нимароҳ мондам, дигар надонистам чи кор кунам. Бо маслиҳати ҳамдеҳагон ба суд муроҷиат кардам, то аз ин хушунат раҳо ёбам ва хонаро низ аз дастам нагиранд”.

Зимнан, коршиносон ба хушунат гирифтор шудани баъзе аз занҳоро дар тақсимоти молу мулк арзёбӣ мекунанд. Муҳаммад Сироҷов, коршиноси соҳаи ҳифзи ҳуқуқ сабаби ба чунин ҳолат гирифтор шудани занҳоро дар надонистани ҳуқуқҳои онҳо медонад: “Аслан занҳое ба хушунат гирифтор мешаванд, ки мактаби миёнаро ба пуррагӣ нахондаанд ва аз ҳуқуқҳои худ дифоъ карда наметавонанд. Аз ин ҳолат истифода карда, аъзои хонавода онҳоро дашном медиҳанд, мезананд ва ҳатто аз хона пеш мекунанд. Тибқи мушоҳидаҳо бештари хушунатҳо барои молу мулк сар мезанад. Дар ҳолате, ки зан ҳуқуқи хешро донанд, ҳеч гоҳ ба хушунат гирифтор намешавад”.

Қаҳрамони мо низ аз шумори занҳоест, ки то синфи 9 таҳсил кардааст. Баъди хатми мактаби миёнаи нопурра ба кори хонадон ва деҳқонӣ машғул шуда, аз таҳсил дур мондааст. Ҳамдеҳагони Насиба дар суҳбат тасдиқ карданд, ки баъди вафоти амакаш муносибати янга нисбати ӯ дигар шуд.
Меҳмоншоҳ, як ҳамдеҳаи Насиба мегӯяд: “ин ҳама бадбахтӣ баъди вафоти акаи Шералӣ ба сари Насиба омад. То замони зинда будани амакаш ҳамроҳи шавҳараш дар ҳамин хонадон зиндагӣ мекард. Ҳозир бошад, ҳар рӯз ҷангу ҷанҷол аст. Шавҳараш ба хонаи падару модари худаш рафт. Насиба танҳо аст”.

Баъди ба суд муроҷиат кардани Насиба “модар – янга” ӯро зиёд азият намедиҳад. Шавҳари қаҳрамони мо, ки нахост номаш ифшо шавад, зимни суҳбат ба мо гуфт: “Хушдоманам таҳдид мекард, то аз хона бароем. Бо хешовандонаш омада ману занамро суханҳои қабеҳ мегуфтанд. Маҷбур шудам, хонаро тарк кунам. Ҷойе надоштам, ки зану кӯдаконамро ҳам бубарам. Вақте ҳамсарам ба суд муроҷиат кард, камтар азобаш медиҳанд”.Шавҳари Насиба мегӯяд, ӯро маҷбур кардаанд, то аз занаш ҷудо шавад ва рафта аз пайи зиндагии худ шавад: “Аммо ман ба гапи онҳо накардам. Зеро ду фарзанди дустрӯ доштам, баъди ман онҳоро ки нигоҳу бин мекард?”.

Дар минтақаи Кӯлоб ин аввалин ҳодисае нест, ки духтарон зери озору шиканҷаи модархонд қарор мегиранд. Соли равон дар ноҳияи Фархор як духтари ҷавон суханҳои таҳқиромези модари “угай”-и худро тоқат накарда, худкӯшӣ кард. Насиба ҳам қабл аз муроҷиат ба суд чанд бор қасди худкушӣ кардааст, то аз хушунати “модар – янга” раҳо ёбад, аммо ҳар навбат фикри ояндаи фарзандон ӯро аз ин роҳ мегардонд.


Дар акс Насиба Қурбонова
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)