11 ноя 2014 11:55Оcиёи Марказӣ / Тоҷикистон

Қодирӣ барои овардани хоки мазори Хуҷандӣ ба Эрон меравад

Абдурраҳмон Қодирӣ, раиси вилояти Суғд ба хотири овардани миқдоре аз хоки мазори Камол Хуҷандӣ, шоири шинохтаи тоҷик дар садри як ҳайат озими Эрон мешавад.

Ба иттилои дафтари матбуоти мақомоти иҷроии вилояти Суғд, сафари Қодирӣ ба Эрон рӯзи 16 ноябри соли равон сурат гирифта, ӯро дар ин сафари чаҳоррӯза Фарзонаи Хуҷанӣ, Озарахш ва чанд тани дигар ҳамроҳӣ хоҳанд кард: “Ин сафар бо ҳамоҳангии Сафорати Ҷумҳурии Исломии Эрон дар Душанбе ва Анҷумани дӯстии Эрону Тоҷикистон тарҳрезӣ шуда, ҳайати Тоҷикистон баъд аз баргузории маросиме, миқдоре аз хоки мазори Камоли Хуҷандӣ, шоири шаҳирро ба Ватан меоранд”.

Манбаъ мегӯяд, раиси вилояти Суғд дар доираи ин боздидаш аз Эрон бо раҳбари Фарҳангистони забону адаби форсӣ, шаҳрдории шаҳри Табрези ин кишвар мулоқот карда, вохуриҳоеро дар Донишгоҳи Фирдавсӣ низ анҷом хоҳад дод. Дафтари матбуоти мақомоти иҷроии вилояти Суғд афзудааст, дар доираи ин сафар боздиди ҳайати мазкур аз оромгоҳи Фирдавсӣ ва зиёрати ҳарами Имом Ризо дар Машҳад дар назар аст.

Мӯҳр

Хабарҳои монанд:

Мехр

Маълум мегардад, ки Кодири шахси фарханги ва механпараст аст. Сафари нек ба Табрез ва фикри дигар хокхои берун мондагиро бо зиндахояшон низ кунед.

Ҷавоб диҳед Иқтибос Шикоят

Спартак

Офарин,як васияти устод Лохути ин буд,ки агар вазъи Ирон дигар гардад колбадашро ба Ирон баранд ва агар на,пас ба Точикистон оварда ба хок супоранд.Маълум,ки Ирони имруза колбади шоири тавонои инкилобии сурхро кабул надорад.Хуб мешуд,ки колбади ин шахсияти бузург,ки дар саргахи ташкилшавии кишвари мо накши боризе дорад ба Душанбе оварда мешуд.

Ҷавоб диҳед Иқтибос Шикоят

Эзоҳ илова кунед