01 дек 2014 11:20Тоҷикистон / Иҷтимоӣ / Дидгоҳи хос / Тема дня

Лимити барқ, “хиёнати мулоҳо”, “қурутоб” ва “Лойхӯраки Боло” (фелетон)

Далер ШАРИФОВ

Сокинони ҷамоати “Лойхӯраки Боло” аз лимитбандиҳои бебанду бор, бӯи таппаку дуди ангишт ба ҷон омада ва ба президенти ҳамсоякишварашон мактуби дастаҷамъӣ ва комилан саркушодае навиштаву дарди дил кардаанд.

Дар ин номаи пурсӯзу гудоз гуфта мешавад, онҳо дар шабонарӯзи 24-соата танҳо 30 дақиқа равшании барқро мебинанд, ки ҳатто барои тамошои барномаҳои ифшокунандаи дастдарозии “муллоҳо” ба номуси занони бегона кифоят намекунад. “Бе барқ писарони мо наметавонанд китобҳое аз рӯзгору корнамоҳои нодири бузургонамон мутолиа намоянд ва мо аз хондани дастовардҳои беназири пешвоҳо маҳрумем. Аммо аламовараш ин аст, ки дар торикӣ омода кардани қурутоб мушкил аст. Мешавад албатта, аммо лаззаташро гум мекунад. Инчунин бебарқӣ имкон намедиҳад дар шабакаҳои иҷтимоӣ мазза карда навиштаҳои патриотонаи ватандӯстони асилро бихонем”,-омадааст дар ин нома.

Дар идома гуфта мешавад: “Президени муҳтарами кишвари ҳамсоя! Дар мо мегӯянд, ҳамсоя ба ҳаққи Худо баробар аст. Мо медонем, ки Шумо мушкили бебарқӣ дар кишваратонро ҳал кардед. Медонем, ки бо ҳамтоҳои худатон аз ину он кишвар забон меёбед. Коршиносони ҷамоати “Лойхӯраки Боло” ба ин натиҷа расидаанд, ки ҳалли мушкили бебарқии мо ҳам ба дасти Шумост. Онҳо баъди таҳлилҳои шабонарӯзӣ дар равшании шамъ ба ин натиҷа расиданд, ки Шумо аз ширкати ватании мо - “ЛойБарқ Плюс Лимит” барқро бо нархи 1,5 сент харидорӣ намуда, онро дубора ба мо 5 сентӣ бифурӯшед. Сокинони ҷамоат аллакай омодагии худро барои бо ин нарх харидан иброз доштаанд”.

Сокинони ин ҷамоати булаҷаб дар поёни номаи худ ваъда кардаанд, ки дар сурати ҷавоби мусбат гирифтан ба мактубашон “Ланд крузер”-и 100 ҳазор доллараи роҳбари пешини “ЛойБарқ Плюс Лимит”-ро ба президент туҳфа хоҳанд кард.

Мӯҳр

Хабарҳои монанд:

наим

Офарин Аллома Далер, танз хам бошад, дуруст гуфти, ин аст вазъияти ичтимои, иктисоли ва рузгори точики азобдида. Чамоати Лойхураки Боло барк надорад, вилояти шимолии Афгонистон бошад аз хакки шахрвандони Лойхураки Боло бо барки точик таъминанд.

Ҷавоб диҳед Иқтибос Шикоят

Барқ

Прикол

Ҷавоб диҳед Иқтибос Шикоят

торт

Шармандаги))))))

Ҷавоб диҳед Иқтибос Шикоят

Алишер

акаи далер чанкадар кучода буди бисёртар навис ман харуз озодагонро мекушоям ба максади суханхои ту имруз хело хурсанд шудам лекин кам сухбат карди бисёр сухбат кунед ман як мухлиси ашадии шумо

Ҷавоб диҳед Иқтибос Шикоят

Amir Emri tjk

ин шармандаги чои номус аст чои шухи нест чихел боз худро падари мтллат медонанд? Дар инчо пияндар буданашонро нишон дода истодаанд! Бовари комил дорам бачои хали масала бачои тамин кардани барк шарм надошта аз хамсоя кишвар хохиш мекунанд, ки хохиши сокинонро рад кунанд.

Ҷавоб диҳед Иқтибос Шикоят

мухочирзан

Намедонам бихандам е бигирям...

Ҷавоб диҳед Иқтибос Шикоят

барқи тоҷик

Аз дасти ҳасим журналистон чикор меояд ки иқа танқид мекунанд...ҳамашон дар ҷоибарқдор мешинанду боз масхаракунишона бинен а (((((((

Ҷавоб диҳед Иқтибос Шикоят

Эзоҳ илова кунед