Кампиракҳои тоҷикро кӣ “фанат”-и “фаҳш” мекунад?
-Очаи Гулбердиҷон, очаи Биабасон гуфт, худут видиёи нави “Нури наҳзат”-а дорӣ, ростай?
-Ҳо, блутузта ҳуй ку, партомта...
8 нафар аз 11 касе, ки шаҳодат медиҳанд, зани дар навори фаҳшои “Нури наҳзат-8” Ғалатӣ Баротова аст, одамони синнашон ба қавле “ба якҷо расида”-анд. Бар илова шаш тани онҳо намояндаҳои ҷинси латиф мебошанд ва ҳамагӣ таъкид месозанд, видеоро дидаанд.
Чӣ ё кӣ солмандони тоҷик, ба вижа пиразанҳоро маҷбур мекунад чунин наворҳоро тамошо кунанд? Фарзидем тамошо кардан ҳаққи конститутсионии онҳо буд, аммо назди дурбин бешармона ва ҳатто бо як навъ ғурур онро ифшо кардан, хоси модари тоҷик аст? Шояд ин афрод аз рӯи мақоли “гоҳе Худову Расул, гоҳе хандаву усул” кор мегиранд? Аммо аз наворе, ки боло зикраш рафт, мешавад хулоса кард, мардум аз Худову Расул ҳарчӣ дуртар ва ба нағмаву усул ҳарчӣ наздиктар мешаванд.
Дар шароите, ки кишвар мушкили лимит дорад ва барқ танҳо соатҳое равшан мешавад, ки тамоми аъзои оила ҷамъанд, ин афрод чӣ гуна наворро дидаанд? Наход дар ҳалқаи наздикон гирди дастурхон нишаставу тамошо карда бошанд? Ё минтақаҳои Тоҷикистон ба ҳадде пешрафта аст, ки ҳар мусафеду пиразан планшети ба интернет пайваст дораду даруни ошхона ё таппакхона даромада дарро қулф мезанад ва “секс” мебинад?
Шояд шеваи суҳбатҳои якмарому дилгиркунандаи “занакои лаби об” ҳам тағйир хӯрдаанд. Ба ин мазмун:
-Очаи Гулбердиҷон, очаи Биабасон гуфт, ки худут видиёи нави “Нури наҳзат”-а дорӣ, ростай?
-Ҳо, блутузта ҳуй ку, партомта...
Ҳар чӣ ҳаст, пардаи шарм ба оҳистагӣ аз фазои Тоҷикистон медарад. Шикофи аввал аз ҷониби кӣ ё киҳо буд, маълум нест, аммо нақши телевизионҳои давлатӣ дар ин росто кам нест. Онҳо буданд, ки “секси мулло”-ҳоро ба намоиш гузоштанд. Ҳатто аз намоиши наворҳои фаҳшо дар шабакаи кӯдакону наврасон - “Баҳористон” парҳез накарданд. Ҷои узр хостанд, баръакс худро дифоъ намуда, изҳор доштанд, ба хотири “тарбияи насли наврас” чунин наворҳо ба эфир рафтааст.
Аз чанд соли пеш, дискҳои амри маъруф ва мавъизаҳо аз дӯконҳои фиттафурӯшӣ бардошта шуд. Шояд фурсате расида, ки наворҳои фаҳшоро дар дискфурӯшиҳо расман иҷозаи фурӯхтан бидиҳанд? Барои “тарбияи ҷомеа”. Ва ё варианти “3 D”-и онро таҳия кардаву дар кинотеатрҳо ба намоиш гузоранд ва барои нафарони синашон аз 40 боло дар дастрас кардани чипта тахфиф эълон шавад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
