Санҷиши вазорат дар мактаби 82: Айби ангишт не, айби ролтон будааст
Ҳайати Вазорати маориф ва илми Тоҷикистон дар пайи нашри хабари заҳролуд ва беҳушшавии гуруҳи хонандагони синфи 3-и мактаби 82-и ноҳияи Рӯдакӣ аз ҷои ҳодиса дидан кардааст.
Камолиддин Шоев, ноиби директори мактаби рақами 82 дар суҳбат бо “Озодагон” боздиди масъулини Вазорати маорифро тасдиқ карда, афзуд, қазия на дар пайи таъсири дуди ангишт, балки дар пайи истеъмоли Ролтон сурат гирифтааст: “Мо дар баёнияҳои худ навиштем, ки дилбеҳузурӣ дар пайи истеъмоли ролтон сурат гирифтааст. Он ҷо гап дар бораи як гуруҳ не, балки дар бораи як духтарчаи синфи 3 меравад, ки дар хонааш ролтон хӯрдаасту ба меъдааш зарба овардааст. Дар натиҷа қай кард. Ҳозир ҳама хуб ва он духтарак ба мактаб омада рафта истодааст.”
Ин дар ҳолест, ки манбаи муътамади “Озодагон” гуфт, ҳодисаи заҳролудшавии хонандагони синфи 3-и мактаби рақами 82-и ноҳияи Рӯдакӣ дар вақти дарс дар пайи таъсири дуди ангишт рух додааст: “Дар синф беш аз 20 нафар хонанда машғули таълим будаанд, нахуст 3 нафарашон дилбеҳузур шуда, қай мекунанд. Баъди ин чанд тани дигар аз ҳуш рафтанд. Баъде ки фаҳмиданд, ин ҳама таъсири дуди ангишти оташдон аст ҳамаро ба ҳавои тоза бароварданд ва ёрии аввалияи тиббӣ расонданд. Сипас падару модарон омада, фарзандонашонро гирифтанд.”
Ин ҳодиса дар ҳолест, ки танҳо дар мавсими сармои соли равон ҳадди ақал 10 нафар бар асари заҳролудшавӣ аз ангишт ҷон додаанд ва охирин ҳолати чунин фоҷиа дар ноҳияи Ваҳдат ба вуқуъ пайваста буд. Тавре мақомоти Тоҷикистон хабар доданд, шаби 7-ум ба 8-уми декабр аъзои як оила, сокинони ҷамоати деҳоти Симиганҷи ноҳияи Ваҳдат- Насиба Маҷидоваи 29 сола ва хурдсолон - Фаридаи Саидакрами 6 сола, Саидаслами Саидакрами 5 сола, Фазилаи Саидакрами 4 сола ва Саидакрам Муҳаммади 3 сола аз ангишт заҳролуд шуда, ба ҳалокат расиданд.
ВИДЕОИ маросими видоъ бо аъзои як хонавода дар Ваҳдат
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |