22 дек 2014 11:49Тоҷикистон / Иҷтимоӣ

Эъдоми 100 ҷангҷӯи “амир”-и тоҷик дар шимоли Сурия

Гуруҳи террористии “Давлати исломӣ”-и маъруф ба ДИИШ ҳудуди 100 ҷангҷӯи худро ба иттиҳоми фирор аз сафи ҷанг эъдом кардааст.

Нашрияи “Financial Times” менависад, ин афрод, ки мехостанд аз суфуфи ҷангҷӯёни ДИИШ фирор кунанд, рӯзи 20 декабр дар шаҳри Раққаҳ, дар шимоли Сурия кушта шудаанд. Ба иттилои нашрия, ин сад нафар шаҳрвандони кишварҳои хориҷӣ буда, дар пойгоҳи ташкилкардаи ин гуруҳи террористӣ дар Раққаҳи Сурия ба сар мебурдаанд.

“Financial Times” аз қавли манбаи худ навиштааст, моҳи гузашта, 5 бритониёӣ, се фаронсавӣ, ду олмонӣ ва ду шаҳрванди Белгия низ талоши гурехтан аз сафи ҷангҷӯёни ин гуруҳи террористиро кардаанд. Онҳо қасди фирорашонро чунин шарҳ додаанд: “Мо барои набард бо режими Башшор Асад, раисҷумҳури Сурия ба ин кишвар омодаем, аммо ҳоло бо дастури ДИИШ бо неруҳои мухолифин меҷангем”.

Эъдоми сад нафар аз ҷангҷӯёни хориҷии ДИИШ дар Раққаҳи Сурия дар ҳолест, ки ин созмон моҳи августи соли равон, баъд аз таҳти тасарруфи худ қарор додани ин минтақа як шаҳрванди Тоҷикистонро дар он ба ҳайси амири худ таъйин карда буд.

Ба иттилои расонаҳои марбут ба ДИИШ, ин шаҳрванди Тоҷикистон ба ин мақом бо дастури Абубакр Бағдодӣ - раҳбари ДИИШ, ки ахиран худро халифаи мусулмонони ҷаҳон эълон кард, гӯиё баргузида шудааст. Далели ин тасмим дар фаъол будани шаҳрванди Тоҷикистон ҳангоми ғасб шудани ин минтақаи Сурия аз сӯи ҷангҷӯёни ДИИШ арзёбӣ гардид.

Мӯҳр

Хабарҳои монанд:

Ватандуст

Дар миёни ин сад нафар чанд точики гумрохшуда бошад!?

Ҷавоб диҳед Иқтибос Шикоят

шахрванд

Илтимос, забони ноби точикиро харом накунед!!!! калимахои "эъдом", "суфуф" магар точикианд????
баъд, аз кай калимаи сафхо бо ду харфи Ф навишта мешавад?

Ҷавоб диҳед Иқтибос Шикоят

АбуАсмоа Файзуллоев

Бисмиллоҳ
Дар ҳақиқат ин гуруҳи дииш ё худ бо ном "давлати исломӣ" аз душманони ислом дида исломро бисёртар хору залил нишон дода шикаст додаистодаанд, агар дар ҳақиқат муҷоҳиди роҳи Аллоҳ ҳастанд пас чаро дар Фаластин мардуми мазлуми мусалмон зери шиканҷаи яҳуд қарор дошта шабу руз ба номуси онҳо таҷовуз мешавад чаро ин " муҷоҳидҳо" нафаре ё гуруҳе аз худашонро барои дифоъ аз номус ва хуни мусалмонони ин сарзамин намефиристанд??? Ё чаро ақалан худи раҳбари ДИИШ ё намояндае аз у овозе баланд намекунад??? Чунки онҷо хоҷагони онҳо(яҳудиҳо) бар зидди мусалмонон меҷанганд ва инҳо бар зидди хоҷагони худ овоз баланд намекунанд агар овоз баланд кунанд аз ҷониби худи ҳамон раҳбарашон эъдом(кушта) мешаванд.
-------------
АбуАсмоа.

Ҷавоб диҳед Иқтибос Шикоят

Чонбобоев

Сарлавха ба хабар мувофик нест.

Ҷавоб диҳед Иқтибос Шикоят

ABU IDRIS

Eyy kofaron dar haqiqat joi shumiyon Jahannam ast..Gaphoi durug va tuhmat dar haqqi Davlati islomi..Eyy korgarhoi Ozodagon tu agar nomat Abdulloh boshadham va dar yak ruz 5 marotiba namoz guzori va ruzai mohi sharifi Ramazonro tark nakuniyu hamin qonuni Kufrii Demokratiro itoat va Nusrat dihi, TU KOFAR hasti..inro az kitobho kov va mutolia biku

Ҷавоб диҳед Иқтибос Шикоят

Эзоҳ илова кунед