Шойгу: Тоҷикистон бояд ба пайомади бадтарин омода бошад
Сергей Шойгу, вазири мудофиаи Русия дар пасманзари хуруҷи нерӯҳои байналмилалӣ аз Афғонистон аз Тоҷикистон даъват кардааст, ба бадтарин паёмад омода бошад.
Шойгу дар мулоқот бо ҳамтои тоҷикаш - Шералӣ Мирзо, ки феълан дар Маскав қарор дорад, изҳор доштааст, Русия ва Тоҷикистон бояд ба раванди бадтарини ҳаводис баъди хуруҷи нерӯҳои НАТО аз Афғонистон омода бошанд: “Ҳамкорӣ бо Тоҷикистон дар умури низомӣ-техникӣ омили муҳими таъмини амнияти минтақа мебошад ва аз ҳамкории мо суботи кишварҳоямон, минтақаи Осиёи Марказӣ ва тамоми ҷаҳон вобаста аст.”
Бо зикри ин нукта Шойгу гуфтааст, бояд малакаю имконоти ҷангии низомиёни тоҷик ва пойгоҳи 201-и Русия дар Тоҷикистон такмил дода шавад. Вазири мудофиаи Русия изҳор доштааст, дар заминаи пойгоҳи 201-ум дар назар аст сар аз соли 2015 ҳамасола наздики 1000 мутахассис барои қушунҳои Тоҷикистон ба бозомӯзӣ фаро гирифта шаванд.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |