“Нигоҳ” сабаби аслии аз чоп монданашро эълон кард
Ҳафтаномаи иттилотиву сиёсии “Нигоҳ”, ки ба далели надоштани иҷозатномаи Вазорати фарҳанг тайи ду ҳафтаи охир аз нашр монда буд, дигарбора рӯи чоп омад.
Дар саҳифаи аввали шумораи 421-уми “Нигоҳ”, ки ҳафтаи равон дастраси хонандагон гардид, ҳайати эҷодӣ барои чоп нашудани нашрия тайи ду ҳафтаи охир аз хонандагон узрхоҳӣ кардаанд.
Ҳайати эҷодӣ навиштаанд, “боиси таассуф аст, ки ду шумораи "Нигоҳ" дар шакли чопӣ бо баҳонаҳои бофтаву сохта ба дасти хонанда нарасиданд, ҳуқуқҳои хонандагону обуначиёни нашрия поймол гашта, ба аҳли эҷод, идораи нашрия ва рекломдиҳандагон зарари моддӣ ва маънавӣ расонида шуд. Мо ҳуқуқ ба озодии баёну андеша ва дастрасӣ ба иттилооти мустақилро волотарин арзиш дониста, омодаем, ки зарари молии ба обуначиён расидаро ҷуброн созем ва бори дигар таъкид мекунем, ки ба дастгирии ҳамешагии хонандаи ҳушманд ниёз дорем.”
"Нигоҳ" менависад, ки сабаби аслии аз чоп мондани ду шумораи гузаштаашро муайян кардааст: “Муҳтавои гӯшаву шеваҳои пешниҳоди матолиби нашрия ва ҳамчунин забони мақолаҳои "Нигоҳ" ба мансабдорон ва ниҳодҳои алоҳидаи ҳукумат писанд набудаанд.”
Дар ҳоле, ки чопхона зимни радди чопи “Нигоҳ” надоштани санади бақайдгирӣ дар Вазорати фарҳангро пеш меовардааст.
Дар ин робита низ аҳли эҷоди "Нигоҳ" бар онанд, ки: а) баҳисобгирии давлатӣ як маротиба мешаваду муҳлатнок кардани шаҳодатномаи баҳисобгирӣ меъёри зиддиконститутсионӣ аст. Аз ин рӯ, бояд дар Суди конститусионӣ мавриди баррасӣ қарор гирад; б) сензура дар Тоҷикистон манъ буда, ҳеч ниҳоди ҳукуматӣ ҳаққи дахолат ба муҳтавоии расонаҳои мустақилро надорад; в) расмиёти техникӣ, монанди баҳисобгирии нашрия ва идораи соҳа аз ҷониби ниҳодҳои маъмур набояд боиси сӯистифода аз вазифаву мансаби давлатӣ, поймол шудани қонунҳо ва ҳуқуқи конститутсионии шаҳрвандони кишвар гардад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |