“Разбор”-и маргбор барои 1000 доллар дар шимоли Тоҷикистон
Вазорати умури дохилии Тоҷикистон аз боздошти чор сокини ноҳияи Бобоҷон Ғафуров хабар додааст, ки дар куштор гумонбар мешаванд.
Торнамои ин ниҳод менависад, Шуҳрат Дадабоев соли таваллудаш 1977, Ҷамшед Ахмедов соли таваллудаш 1988, Ҳалимбой Зокирбоев соли таваллудаш 1985 ва Акрамбой Махкамов соли таваллудаш 1985, “рӯзи 24 декабри соли равон соати 19:30 барои ҳал намудани муноқишаи байни шаҳрвандон: Маҳкамов Акрамбой ва Ёдгоров Ғуломҷон соли таваллудашон 1990, ки Ёдгоров Ғ. ҳамчун устои сохтмончӣ дар хонаи истиқоматии Маҳкамов А. кор карда, қисми маблағашро ба андозаи 1000 доллари амрикоӣ нагирифтааст, меоянд. Дар натиҷа байни онҳо ва Ёдгоров Ғуломҷон, Алиев Фазлиддинхон, соли таваллудаш 1989, Алиев Умархон, соли таваллудаш 1990 ва Ниёзов Азиз, соли таваллудаш 1993, истиқоматкунандагони шаҳри Хуҷанд, муноқиша ва задухӯрд ба амал омад”.
Дар натиҷаи ин низоъ, “Шуҳрат Дадабоев бо корди бо худ дошта якчанд маротиба ба қисми дил ва шиками Алиев Фазлиддинхон зарбаҳои ҳалокатовар зада, баъдан ба Ниёзов Азиз низ ҷароҳати ҷисмонӣ расонидааст”. Манбаъ меафзояд, Алиев дар беморхона ба ҳалокат расида, Ниёзов дар беморхона бистарӣ гаридааст. Сарчашмаи хабар мегӯяд, Шуҳрат Дадабоев, Ҷамшед Ахмедов ва Ҳалимбой Зокирбоев доғи судӣ дошта, қаблан зиндонӣ будаанд.
Аз рӯи ин ҳодиса парвандаи ҷиноӣ оғоз гардида, тафтишот идома дорад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |