Эрдуғон: Аврупо ба ҷои дарсгӯӣ аз демократия ба мушкили худ бирасад
Раҷаб Таййиб Эрдуғон, раисҷумҳури Туркия кишварҳои аврупоиро ба мубориза алайҳи исломҳаросӣ даъват карда, хостааст ба тазоҳуроти зидди исломӣ дар қаламравҳои худ хотима бахшанд.
Эрдуғон рӯзи 6 январ дар суҳбат бо сафирони кишвараш дар шаҳри Анқара гуфтааст, “кишварҳои аврупоӣ бояд ба ҷои дарси демократӣ гуфтан ба Туркия ба мушкили ҷиддии худ расидагӣ кунанд, ки ҳоло бо он рӯбарӯянд”.
Ба гуфтаи раисҷумҳури Туркия, исломмофобия таҳдиди ҷиддӣ ва бузурге барои кишварҳои Аврупо хоҳад буд: “Агар ин мушкил ҳалли худро наёфт, агар раҳбарони популизми аврупоӣ ба гарав гирифта шуданд, он замон ҳатман дар руйхати арзишҳои аврупоӣ таҷдиди назар хоҳад шуд”.
Ӯ дар ин дидор аз сафирони кишвараш хост, дар хориҷ аз Туркия ба мисли як давлати қавӣ ва дорои эътимод ба худ намояндагӣ кунанд ва ба самъи “насиҳатгарон”-и он бирасонанд, ки онҳо аз ин ба баъд бо Туркияи нав ва дорои иқтисоди бузургу сиёсати хориҷии мустақил ва демократӣ кор мегиранд: “Туркия дигар кишваре нест, ки ҳар кӣ хоҳад, сӯи он ангушти иттиҳом ишора кунад ва ҳар нафаре, ки кард, онро бояд пас гирад”.
Ин даъвати раисҷумҳури Туркия аз Аврупо дар ҳолест, ки ибтидои ҳафтаи равон сокинони бархе аз шаҳрҳои Олмон бо сар додани шиорҳои исломҳаросӣ ба кӯчаҳо рехтанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |