Дар мактабҳои вилояти Суғд беш аз 800 танӯру оташдон насб шудааст
Раёсати маорифи вилояти Суғд мегӯяд, феълан дар 576 муассисаи таълимии шимоли кишвар маҳфилҳои рӯзгордорӣ ташкил шуда, дар назди 806-тои он танӯр ва дар ҳамаи мактабҳо оташдон насб гардидааст.
Масъулини Раёсати маориф дар нишасти хабарие дар шаҳри Хуҷанд гуфтанд, дар асоси дастури раиси вилояти Суғд дар назди муассисаҳои таълимии шаҳру навоҳии шимоли кишвар маҳфилҳои рӯзгордорӣ, қолинбофӣ, сӯзанидӯзӣ ва кашидадӯзӣ ташкил карда шудааст.
Ба иттилои манбаъ, дар соли 2014 муассисаҳои таълимии шаҳру ноҳияҳои вилоят 758 адад, аз ҷумла, 36 дастгоҳи қолинбофии калон ва 722 дастгоҳи қолинбофии хурд, харидорӣ кардаанд: “Айни ҳол, дар назди 576 муассиса маҳфилҳои рӯзгордорӣ ташкил шуда, дар назди 806 муассисаи таълимӣ танӯр ва дар ҳамаи мактабҳо оташдон шинонида шудааст”.
Ба иттилои Раёсати маорифи вилояти Суғд, дар мувофиқа бо Сарраёсати Агентии меҳнат ва шуғли аҳолӣ ба хонандаҳо баробари шаҳодатномаи хатми мактаб, минбаъд, додани сертификати ҳунар низ дар нақша гирифта шудааст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |