12 янв 2015 09:40Тоҷикистон / Иҷтимоӣ / Тема дня

ВКД: Зани 39-сола ноболиғи тоҷикро дар Маскав ба танфурӯшӣ водор кардааст

Вазорати умури дохилии Тоҷикистон аз боздошти як сокини 39-солаи ноҳияи Бобоҷон Ғафуров хабар дод, ки бо ваъдаи ҷои кори хуб одамонро дар Маскав ба танфурӯшӣ ҷалб мекардааст.

Тибқи иттилои ин ниҳод зимни як амалиёт муайян карда шуд, боздоштшуда аз ҷумла ба ноболиғ Р.У. соли таваллудаш 1997, сокини ш. Хуҷанд вохӯрда, ҷойи кори хуб ваъда карда, ба шаҳри Маскави Русия бурда, ба танфурӯшӣ ҷалб намудааст.

Манбаъ мегӯяд, феълан аз рӯи ин ҳодиса парвандаи ҷиноӣ оғоз шуда, тафтишот идома дорад. Ин якуми ҳолати аз ҷониби ҳамватанон ба танфурӯшӣ ҷалб намудани занони тоҷик набуда, дар гузашта низ чунин ҳодисаҳо дар Русия, Туркия, кишварҳои Араб ва дигар минтақаҳо ошкор шуда буд.

Аз ҷумла ахиран ниҳодҳои интизомии Гурҷистон хабар доданд, ки дар шаҳри Батумии ин кишвар зани 40-солаи тоҷикро бо номи Заррина А. боздошт кардаанд, ки дар тиҷорати одамон бо роҳи маҷбурӣ муттаҳам мешавад. Дар иттилоияи Вазорати умури дохилии Гурҷистон гуфта шудааст, ки Заррина 7 декабри соли 2012 аз Тоҷикистон Баргигул Р. (соли таваллудаш 1988)-ро оварда, дар шаҳри Батуми ба танфурӯшӣ водор намудааст. “Тафтишот муайян кард, ки Заррина аз Баргигул шиносномаашро гирифта, маҷбур мекардааст, танфурӯшӣ кунад ва даромадашро аз худ менамудааст”,-омадааст дар иттилоияи ВКД-и Гурҷистон.

Мӯҳр

Хабарҳои монанд:

мухочир

салом бародарон дустон.дар Точикистон агар як мулора капан зино карданша то тамоми авлоду ачдодша менависанд барои чи фохишахора мекапан К Н Г Ш Ш Щ менависанд?дуюм ин ки дар Точикистон чои кор нест

Ҷавоб диҳед Иқтибос Шикоят

Гргали

Дар инчо айби хукумат аст. Шахрвандонро бо кор ва маоши баланд таъмин кун, касе фохишаги намекунад.

Ҷавоб диҳед Иқтибос Шикоят

Мехроби Х

Дар Точикистон зиндагии арзанда вучуд надорад..

Ҷавоб диҳед Иқтибос Шикоят

Madina

Мехроби Х, Барои маоши хуб гирифтан акли расо маданияти баланд савод доштан даркор, аксарияти шахрвандони мо хонда чи мешай гуфта ба дигар корхо машгуланд, давлат гуспандбон нест ку.

Ҷавоб диҳед Иқтибос Шикоят

Мухочир

Барои чи ному фамилияи ин далаю фохишахо навишта намешавад, барои?Мулло мешуд то хатто солу рузу соати таваллудша бо расмаш нашр мекарден

Ҷавоб диҳед Иқтибос Шикоят

Абузарр

Ба хамааш вазирои миллиардер гунахкоран. Дар и дунё ки нашуд дар у дунё ай шикамтон кашида мегиран у пулои нозак коркардаатонро. Мебинем...

Ҷавоб диҳед Иқтибос Шикоят

Эзоҳ илова кунед