27 янв 2015 15:08Тоҷикистон / Иҷтимоӣ

Шарҳи мақомот дар бораи тирпаронӣ дар Бадахшон

Дар пайи як таниш дар ҷамоати Сучон, ҳудуди 10–15 километр дуртар аз шаҳри Хоруғ афсари Гуруҳи таъиноти махсуси пулис ё "ОМОН" аз силоҳи оташфишон сокини маҳаллиро маҷруҳ кардааст.

Мақомоти Тоҷикистон мегӯянд, корманди милисае, ки охири ҳафтаи гузашта дар Бадахшон як сокини маҳаллиро маҷруҳ кардааст, мавриди таъқиб қарор гирифтааст. Ба иттилои як манбаи воломақоми “Озодагон” дар мақомоти қудратӣ, корманди ОМОН, ки худ зодаи ҷамоати Сучон мебошад, хостааст, сӯзишворӣ қарз гирад: “Аммо корманди нуқтаи фурӯши сӯзишворӣ ба ӯ қарз надодааст. Дар натиҷа корманди милиса мошинашро сахт ронда, аз назди Нуқтаи фурӯши сӯзишворӣ (НФС) рафтааст. Корманди НФС нафарони дигарро ҷамъ карда, милисаро таъқиб кардаанд ва ҳатто тир холӣ кардаанд. Дар ҷавоб милиса аввал ба ҳаво ва баъд сӯи ҷамъомадагон тир холӣ мекунад ва тир ба пойи яке аз онҳо мерасад. Маҷруҳшуда корманди НФС набуда, яке аз ҷамъомадагон аст. Феълан тафтишот идома дорад.”

Дар ҳамин ҳол сокинони маҳаллӣ изҳор медоранд, ки корманди милиса аз маҳаллаи Боғеви Сучон буда, қазия дар маҳаллаи Манеми Сучон, ҳудуди 10-15 киллометр дуртар аз шаҳри Хоруғ рух додааст. Ба иттилои мусоҳибони “Озодагон” маҷруҳшуда низ зодаи маҳаллаи “Манем” мебошад.

Манобеи “Озодагон” мегӯянд, дар ин робита ҳудуди 7 нафар, аз ҷумла корманди “ОМОН” боздошт шуда, вазъи маҷруҳ муътадил мебошад.

Мӯҳр

Хабарҳои монанд:

мохир

кандзанед сокинони СУЧОН ин холат дар кишлоки мо ЧОРКУ харруз рухметияд милиса селсовет бе пул бензин мегирад сохибои НФС дар тую маракахо бо як дигар шикояд дорад вале метарсанд

Ҷавоб диҳед Иқтибос Шикоят

Sher

Ачиб! Вай корманди НФС аз кадом намуди ярок тир холи кардааст. Ярокаш конуни бошад, ё мисли Панчшери мо дар Бадахшони Шумо хам мулкихо бо ярок мегарданд?

Ҷавоб диҳед Иқтибос Шикоят

беном

Sher,
Аҷиб ин бародари Панҷшери аз куҷо крилики хондана ёд гирифтааст? Ҳоло он кӣ бархе аз бародарони Афғон форси хондан наметавонанд. Ё ин Тоҷик ҳасту аз Тоҷик буданаш шарм медорад???

Ҷавоб диҳед Иқтибос Шикоят

JJJJ

Е бесавод амучара нагз хон. Бепул не карз хостааст аму корманди ОМОН. Чихел канд занед аа???

Ҷавоб диҳед Иқтибос Шикоят

Sher

Бародари беном! Якум ин аст, ки вакте ки фарзанд таваллуд мешавад, вазифаи падару модар ба у додани номи муносиб аст. Ту ки ном надорию худро беном муаррифи мекуни бо ту хочати бахс нест. Бидон, ки бузургонамон бехуда нагуфтаанд, ки: Бетамизихои одам дар сухан пайдо шавад, Пистаи бемагз чун лоб во кунад, расво шавад. Баъдан ин ки дар Панчшер ТОЧИКОН зиндаги мекунанд. Агар чи дар он суи марз аст. Барои ТОЧИК бошад, омухтани "КИРИЛИК"-и Ту дуро бар ду зам кардан аст. Муваффак бошед!! Озоди чоп мекарди хеле хуб мешуд. Боз як нафар хатояшро мефахмид.

Ҷавоб диҳед Иқтибос Шикоят

Саид

салом Озодии гироми. ое шумо ягон хабарнигор дар Сучон доред? Шарм надоред ки ин хел маколаи дуруг ро барои мардум сабт мекунед. Ман шахсан аз ид деха астам ва он чизе ки шумо дар инчо навистет ба акикан тамоман монанд нест. Корманди ОМОН дар олати масти чанд бор пистолет ба ивази бензин гуфт диед (хамчун залог). нафароне ки чамъ шуданд тир холи карданд? аз кучо тир холи карданд? ин хам дуруг аст. как вам не стидно

Ҷавоб диҳед Иқтибос Шикоят

Эзоҳ илова кунед