12 фев 2015 16:12Оcиёи Марказӣ / Тоҷикистон

Сафир: Амният ва рифоҳи Тоҷикистон амният ва рифоҳи Эрон аст

Сафири Эрон дар Тоҷикистон мегӯяд, кишвараш дасти ҳамаи давлатҳоро мефишорад, ба ҷуз режими саҳюнистӣ. Ин нуктаро Ҳуҷҷатулоҳ Фағонӣ шоми 11 феврал зимни суханронӣ дар расми таҷлил аз Рӯзи миллии Ҷумҳурии исломии Эрон, ки дар шаҳри Душанбе баргузор шуд, таъкид кард.

Ҳуҷҷатулоҳ Фағонӣ бо ёдоварӣ аз таърихи ин рӯз гуфт, “36 сол қабл бо сарнагунии ҳукумати вобаста ба хонадони фосиди Паҳлавӣ низоми мардумсолори Ҷумҳурии исломии Эрон ҳукумати худро ҷойгузини низоми салтанатӣ кард ва дар меҳани азизи мо, ки собиқаи тамадунии ҳазоронсола дорад, таҳавулоти шигирд ва пешрафтҳои ҳамаҷонибаро эҷод кард. Ҷумҳурии исломии Эрон бо пушти сар гузоштани ҷангҳои таҳмилии 8-сола ва беш аз се даҳа таҳримҳои иқтисодии золимона тавониста, муқовиматтарин иқтисоди ҷаҳонро шакл бидиҳад”.

Ин дипломати эронӣ сиёсати Ҷумҳурии исломии Эронро мубтанӣ бар ақлоният, воқеъгароӣ, эҳтироми мутақобил, мантиқ ва таъомули созанда хонд. Ӯ таъкид кард, “Эрон дасти ҳамаи давлатҳо ба ҷуз режими саҳюнистиро дар ин чорчӯб агар моил ба таъомул бошанд, мефишорад”. Ӯ дар идома гуфт, “Эрон мубтакири гуфтугӯи тамаддунҳо ва фарҳангҳост ва ибтикори ҷаҳон алайҳи хушунат ва ифротигариро ироа карда, мунодии адолат ва эътидол дар ҷаҳон аст. Ҳамаи пайравони адён ва мазоҳибро ба ҳамкорӣ ва мубориза бо ифротгарӣ ва терроризм фаро хонда ва тавсеаи баробар бо ҳамсоягон, кишварҳои минтақа ва ҷаҳони Ислом аз авлавиятҳои сиёсати хориҷии мост”.

Оқои Фағонӣ бо ишора ба ҷараёни эронҳаросӣ таъкид, кард, ин раванд аз сӯи Амрико ва режими саҳюнистӣ ва бархе ҷараёнҳои вобаста ба онҳо ба хотири тарс аз улгӯи муваффақи мардумсолории динӣ ва пешгомии Эрон дар ормони ваҳдати шиъа ва суннӣ доман зада мешавад. Сафири эрон афзуд, акнун бо баҳонаи озодӣ тавҳин ба муқаддасоти миллионҳо инсон ба шакли созмонёфтае тарвиҷ мешавад. Ӯ таъкид кард, “Эрон рӯзе ҳамаро ба гуфтугӯ даъват кард, ки ҳанӯз ҷинояти 11 сентябр иттифоқ науфтода буд”.

Дар поёни суханронии худ Ҳуҷҷатулоҳ Фағонӣ ба ҳамкориҳои Эрону Тоҷикистон ишора кард ва гуфт: “Ҷумҳурии Исломии Эрон муътақид аст, ки амният ва рифоҳи Тоҷикистон амният ва рифоҳи Эрон аст ва барои тавсеаи ҳамаҷонибаи равобити ин кишвари ҳамкеш, ҳамзабон ва ҳамреша маҳдудияте қоил нестем”.

Мӯҳр

Хабарҳои монанд:

hhh

Мо хам азоне ки давлати азизамон бо ЧИЭ хамкори дорад хеле хушнудем.Исломхароси ин накшае аст ки аз тарафи душманони дини мубини Ислом тархрези гардида аст.ДУШМАНОНИ ИСЛОМ ТО ИМРУЗ ХАР НАКШАЕ КИ КАШИДАН БА ШИКАС МУВОЧЕХ ШУДААНД,АЗ ИН БА БАЪД НИЗ ШИКАСТ ХОХАНД ХУРД.ОГУШИ ПУР АЗ МЕХРУ МУХАББАТИ МО МАРДУМИ СУННИ МАЗХАБ БА ТАРАФИ БАРОДАРОНИ ШИЪА ХАМЕША БОЗ АСТ.СУННИ БО ШИЪА ЗИНДААСТ ШИЪА БО СУННИ. ВАССАЛОМ

Ҷавоб диҳед Иқтибос Шикоят

Эзоҳ илова кунед