Баъди дастури Президент: Рамазон Раҳимзода назди мардум меравад
Рамазон Раҳимзода, вазири умури дохилии Тоҷикистон дар пайи супориши Эмомалӣ Раҳмон, раисҷумҳури кишвар тасмим гирифтааст, барои суҳбати рӯбарӯ бо сокинон сафарҳои кориеро ба шаҳру вилоятҳо анҷом бидиҳад.
Ба иттилои дафтари матбуоти ВУД, нахустин суҳбати рӯбарӯи Раҳимзода бо сокинони вилояти Суғд рӯзи 14 марти соли равон баргузор хоҳад шуд. Манбаъ мегӯяд, инчунин вазири умури дохилии Тоҷикистон давоми соли равон бо сокинони ин вилоят рӯзҳои 13 июн, 12 сентябр ва 21 ноябри соли 2015 вохӯрии бевосита анҷом хоҳад дод.
Суҳбатҳои рӯбарӯи Рамазон Раҳимзода бо сокинони вилояти Хатлон 4 апрели соли равон оғоз шуда, санаи 20 июн, 26 сентябр ва 28 ноябри соли равон низ баргузор хоҳад шуд. Дафтари матбуоти Вазорати умури дохилӣ гуфтааст, Раҳимзода рӯзи 18 апрели соли равон барои анҷоми суҳбати рӯбарӯ бо сокинон озими минтақаи Рашт мешавад. Рӯзҳои 4 июл, 10 октябр ва 12 декабр ҳам чунин вохурӣ дар назар аст.
Нахустин вохурии вазири умури дохилии Тоҷикистон бо сокинони вилояти Бадахшон 25 март баргузор шуда, таърихи 18 июл, 24 октябр ва 19 декабри соли равон низ Раҳимзода бо сокинони ин минтақаи кишвар суҳбати рӯбарӯ хоҳад дошт.
Эмомалӣ Раҳмон дар ҷаласаи охири Шӯрои амнияти Тоҷикистон ба вазири умури дохилӣ дастур дод, барои ҷилавгирӣ аз қонуншиканиҳои кормандони ниҳоди таҳти раҳбарияш бо сокинони шаҳру навоҳии кишвар суҳбатҳои рӯбарӯ анҷом диҳад.
Ҷадвали қабули шаҳрвандон:
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |