24 фев 2015 16:14Тоҷикистон / Иҷтимоӣ

Бемористони Ибни Сино: 820 ҷарроҳии урологӣ анҷом шуд

Шӯъбаи урологии Бемористони Ибни Сино аз муҳимтарин бахшҳои ин бемористон мебошад, ки мутахассисони варзидаи хориҷӣ ва ватанӣ бо истифода аз дастгоҳҳои пешрафта ва мудерн тамоми амалҳои ҷарроҳиро дар як муддати кутоҳ ва дар сатҳи хуб анҷом медиҳанд.

Доктор Мубин Аминӣ, мудири ин шӯъба мегӯяд, ин ҷо беморони гирифтор ба дардҳои мухталифи гурда ва роҳҳои пешоб ташхис ва дармон мешаванд ва бештари маризон бо табобати доруӣ (консервативӣ) фаро гирифта мешаванд. Беморон аз тариқи ултрасадо муоина шуда, тангиҳои мавҷуда дар роҳҳои пешоб, санг ва намак дар гурдаву масона, омосҳо, варам ва дигар нуқсонҳо ошкор мегардад. Инчунин таҳлилҳои озмоишгоҳи бемористон ба пизишк имкон медиҳад, норасоии кори гурдаро ба таври фаврӣ муайян намояд.

Дар ҳолати пайдо гаштани чунин бемориҳо пизишк метавонад аз рентгени C ARM истифода кунад, ки тасвири рангаи махалли бемориро бо хурдттарин ҷузъиёташ нишон медиҳад. Ин тасвир ҳаҷм, мизон ва маҳалли бемориро ба таври дақиқ ва равшан нишон медиҳад. Доктор Аминӣ таъкид кард, дар се соли охир дар ин шӯъба, 820 ҷарроҳӣ анҷом шуд, ки аксари онҳо бо роҳи эндоскопӣ сурат гирифтаанд.

Бахши урологии бемористон бо навтартарин дастгоҳҳои замонавии тиббӣ муҷаҳҳаз мебошад: дастгоҳи беҳушкунӣ: -рентгени C ARM, дастгоҳи видеоконтроли амал, чароғи martin, васоили амали эндоскопӣ аз ҷумлаи дастгоҳҳои мудернанд. Ёдовар мешавем, ингуна таҷҳизоти нодир ва гаронбаҳо барои аввалин бор дар Тоҷикистон дар Бемористони Ибни Сино мавриди баҳрабардорӣ қарор гирифтаанд.

Доктор Аминӣ афзуд: «Бо таваҷҷуҳ ба вазъи иҷтимоии мардуми кишварамон, дар назди бемористон ширкати «Суғуртаи тиббӣ» ташкил шудааст, ки ниёзмандон бо пайвастан ба он, зимни ташхису табобат ва аз ҷумла, ҷарроҳиҳои урологӣ аз имтиёзҳои зиёд дар амри пардохти ҳаққи хидматҳои тиббӣ бархӯрдор мешаванд. Ва бо итминон метавонем бигӯем, ки бо дар назардошти таносуби сифат ва қимат нархи дармону ҷарроҳӣ дар бемористони мо на танҳо зиёд нест, балки камтар аз муассисаҳои ҳамгуни ҷумҳурӣ аст. Онҳое, ки маълумоти бештар гирифтан мехоҳанд метавонанд ба сайти расмии мо ворид шаванд ва бо нархномаву имтиёзҳое, ки мо пешниҳод мекунем, ба таври комилу мушаххас огаҳӣ ёбанд».

Мӯҳр

Хабарҳои монанд: