Даъвати Эмомалӣ Раҳмон аз шоҳи нави Арабистони Саудӣ
Эмомалӣ Раҳмон, раисҷумҳури Тоҷикистон бо ирсоли як нома аз Салмон ибни Абдулазиз, шоҳи нави Арабистони Саудӣ даъват кардааст, дар Конфронси байналмилалии “Об барои ҳаёт”, ки моҳи июни соли равон дар шаҳри Душанбе баргузор мешавад, иштирок кунад.
Дар ин бора Шарифӣ Азамшо Латифзод, сафири Тоҷикистон дар шаҳри Риёз дар суҳбат бо нашрияи “аш-Шарқ ал-Авсат”-и саудӣ иттилоъ додааст.
Сафири Тоҷикистон дар шарҳи ин хабар гуфтааст, Эмомалӣ Раҳмон ҳавасманди рушду густариши ҳамкориҳои стратегӣ бо Салмон ибни Абдулазиз дар сатҳҳои сиёсию иқтисодӣ мебошад.
Инчунин ӯ ишора кардааст, ки Тоҷикистону Саудиро таърихи бародарию арзишҳои муштараки фарҳангӣ ба ҳам мепайвандад ва “Душанбе Риёзро дар минтақаи арабӣ яке аз шарикони худ дониста, алоқаманди рушду пешрафти ҳамкориҳои худ бо он дар сатҳи нав аст.”
Конфронси байналмилалии сатҳи баланд роҷеъ ба натиҷаҳои татбиқи даҳсолаи байналмилалии амал “Об барои ҳаёт”, 2005-2015 аз 9 то 11 июни соли ҷорӣ дар шаҳри Душанбе баргузор мешавад.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |