05 мар 2015 09:28Тоҷикистон / Иқтисодӣ

Қирғизистон мегӯяд, то моҳи сентябр аз Тоҷикистон барқ мехарад

Мақомоти Қирғизистон тасмим доранд, шурӯъ аз моҳи апрели соли равон дубора аз Тоҷикистон нерӯи барқ харидорӣ кунанд.

Алексей Бородин, муовини раҳбари ширкати давлатии хатти нерӯи барқи Қирғизистон рӯзи 4 март дар як нишасти хабарӣ гуфтааст, дар ҳоли ҳозир миёни Бишкек ва Душанбе барои азсаргирии интиқоли барқи Тоҷикистон ба кишвараш гуфтушунид идома дорад. Ба гуфтаи ӯ, ин ширкат тасмим гирифтааст, аз моҳи апрел то моҳи сентябри соли равон аз Тоҷикистон барқ бихарад. Нозирҷон Ёдгорӣ, сухангӯи “Барқи тоҷик” дар суҳбат бо “Озодагон” ҳарчанд аз ин гуфтушуниди Душанбею Бишкек изҳори беиттилоӣ кард, вале гуфт, Тоҷикистон омодааст, ба ин ҳамсоякишвар дар фасли тобистон барқ фурӯшад: “Дар фасли тобистон Тоҷикистон тақрибан 3,5 то 4 миллиард киловат соат неруи барқи зиёдатӣ дораду барои он харидор меҷӯяд ва Қирғизистон тибқи барномаҳои ҳамасолаи худ дар ин давра обро дар обанбори Тохтагулаш захира карда, аз мо барқ мехарад”.

Соли 2014 низ Қирғизистон аз Тоҷикистон дар фасли тобистон нерӯи барқ харидорӣ карда буд. Ҷоомарт Оторбоев, сарвазири Қирғизистон он замон гуфт, тавонистаанд аз Тоҷикистон ба ивази 2 сентӣ нерӯи барқ бихаранд. Дар ҳоле, ки ба гуфтаи ӯ кишварҳои дигари Осиёи Марказӣ барқро ба ивази 4-5 сентӣ мефурӯшанд. Оторбоев розигии ҳукуматашро аз нархи барқи Тоҷикистон баён карда, афзудааст, мақомоти тоҷик барои он ба ин нарх барқ мефурӯшанд, ки ҳамасола дар фасли тобистон обро бе истеҳсоли барқ аз обанборҳо холӣ мекунанд. Оторбоев таъкид намудааст, барқи аз хориҷа харидаашонро ба мардуми кишвараш ба ивази 1,5 сентӣ мефурӯшанд ва фарқиятро аз ҳисоби буҷа ҷуброн мекунанд.

Мӯҳр

Хабарҳои монанд:

бебарк

не не мо таерем бадаз интихобот сарфамо зиед шуд мефурушем болои корба ин мардуми дехоти дар рузхои интихобот ба мо \ххдт \овоз надодан акнун баинхо дигар барк намедихам инхо одат кардаги нархамо дар зимистон 1снт дар бахор 05сент мархамат бо эхтироми (шоди шабдолов)чопкун

Ҷавоб диҳед Иқтибос Шикоят

Аъзам

Оббо!!! Ин тобистон хам дар шимол "лимит" мешудааст-дия. Соли гузашта хар руз аз ду то чор соат дар бо навбат минтакахои Б.Гафуровро "бебарк"мекарданд.Шиддат аз 180В боло набуд.Яхдонхо кор намекарданд.Хатти "Чануб-Шимол" имконияти муайян дорад ва чунин "нагрузка"ро дошт намедихад.Барои хамин мансабдорони мо халки худро бебарк гузошта ба хамсоя бо пули ночиз барк медиханд.ОФАРИН!!!!! Ба киргизхо 2 сент -ба халки худ 2,2 сент! Боз як бор ОФАРИН

Ҷавоб диҳед Иқтибос Шикоят

Эзоҳ илова кунед