Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/classes/templates.class.php on line 68 Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/classes/templates.class.php on line 72 Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/classes/templates.class.php on line 68 Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/modules/show.full.php on line 343 Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/classes/templates.class.php on line 60 Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/classes/templates.class.php on line 64 Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/classes/templates.class.php on line 60 Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/classes/templates.class.php on line 64 Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/classes/templates.class.php on line 72 Deprecated: preg_replace(): The /e modifier is deprecated, use preg_replace_callback instead in /var/www/mamadshoev/data/www/ozodagon.com/engine/classes/templates.class.php on line 104 Чӣ шуд, ки мӯйсафеди 80-сола дар айёми пирӣ занашро талоқ дод? » Озодагон
Русский  >>  فارسی  >>  Чоршанбе 17 июл 2019, 17:19

Чӣ шуд, ки мӯйсафеди 80-сола дар айёми пирӣ занашро талоқ дод?

5 март 2015, 15:20

Низомиддин ИСОЕВ

Эҳсоси рашк ва беэътимодии мӯйсафеди 80-сола ба зани 65-солаи худ, аз шаҳри Норак, боис гардид, ки онҳо пас аз зиндагии тӯлонӣ бо ҳам дар айёми пирӣ ақди никоҳи давлатии худро бекор намоянд.


- Зане, ки синнаш аз 65 гузаштан дорад, ба мо дасти кам ду маротиба муроҷиат карда, зери латукӯби шавҳари 80-сола қарор гирифтани худро бо оби дида қисса намуд, - мегӯяд Ирода Султонова, мутахассиси бахши кор бо занон ва оилаи мақомоти иҷроияи ҳокимияти давлатии шаҳри Норак. - Дар рӯзҳои сардии зимистон шавҳар зани худро озору азият дода, чанд дафъа аз хона рондааст. Ҳатто намегузошт, ки зан либоси гарме ба бар намояд. Мавридҳое низ шудааст, ки ӯ дар болои кати рӯйи ҳавлӣ шаби худро рӯз намуда, ба ин ҳама тазйику фишори шавҳар таҳаммулро пеша кардааст.

Тибқи гуфтаҳои И. Султонова, омили асосии азҳампошии ин оила бо ҳам рост нагирифтани зану шавҳари бузургсол ва рашки беасоси мард нисбати ҳамсари худ мебошад. Мӯйсафед пайваста Н. Р. (зан)-ро зери фишори равонӣ ва азиятҳои ҷисмонӣ қарор медодааст. Вақте ки намояндагони мақомоти иҷроияи ҳокимияти давлатии шаҳри Норак барои таҳқиқи ин масъала ба хонаи Х. Н. (шавҳар) мераванд, ҳеҷ айби занро пайдо накарда, маълум менамоянд, ки Н. Р. зани ботамкину покдоман асту гуноҳе надорад.
- Шавҳари ман бисёр рашк мекард, мегуфтамаш, ки ман 65-сола шудам, бароят ягон асос надодам, ки рашк кунӣ, кампир шудаам, лекин баҳона карда доим мезад, - мегӯяд Н.Р. – Ягон марди ҳамсиннусол ҳам дар ин махалҳои мо намондааст, ки рашк кунад. Аз тарси ӯ умуман ба берун намебаромадам.
Намояндагони бахши занон ва оилаи шаҳрдории Норак барои нигоҳ доштани оилаи ин ҷуфти зану шавҳари солманд муҳлат дода, Н. Р.-ро муваққатан ба хонаи падарӣ равон менамоянд. Таъмини рӯзгори занро писаронаш ба дӯш гирифтанд.
- Тавре ки як намояндаи шуъбаи САҲШ-и Норак дар суҳбат бо мо гуфт, онҳо умедвор буданд, ки зану шавҳар як муддат аз ҳам дур зиндагӣ кунанд, шояд боз якдигарро фаҳманду ба ҳам оянд. Аммо, мутаассифона, рӯзи 21-уми феврал бинобар дуюмбора шикоят овардани зан аз зулми ҳамсари худ, мо дигар чорае наёфта, никоҳи онҳоро бекор намудем.

Дар ҷомеаи имрӯза барҳамхӯрии оилаҳо натанҳо дар байни ҷавонписарону духтарон мушоҳида мегардад, балки дар байни насли бузургсоли мо низ буридани ақди никоҳи давлатӣ ба қавле «мӯд» гаштааст. Толибҷони Сайф, сокини шаҳри Норак, ки аз асли ин қазия огоҳ аст, гуфт: «ростӣ, ҳоло дар зеҳни мо мардҳо бештар чунин фикрҳои ғалат давр мезанад, ки гӯё ба ҷуз зане, ки падар ба мо дод, боз худ метавонем зани дигар низ гирем. Масалан, як рӯз дар маъракае нишаста будем, марди нисбатан калонсол гуфт, ки «лубой чмора» падараш як зан медиҳад, марди ҳақиқӣ ҳамонест, ки боз худаш якто зани дигар гирад».

Ба қавли масъулин, агарчи дар солҳои қаблӣ бастани ақди никоҳ дар шаҳри Норак зиёду бекор карданаш хеле камтар ба назар мерасид, дар соли 2014 бошад, фоизи бақайдгирии никоҳҳои давлатӣ камтару пошхӯрии оилаҳо зиёд гаштааст. Ин ҳам дар ҳолест, ки имрӯз аксаран сабабҳои ҷудошавии оилаҳоро дар омода набудани ҷавонон ба ҳаёти мустақил, фишор овардани хушдоман ба келин ё худ носолим будани духтарҳо медонанд. Аммо суоли матраҳ ин аст, ки чаро ин оилаи одамони солору рӯзгордида, ки солҳои мадид бо ҳам зистаанд, имрӯз вайрон шуд?

Малоҳат Усмонова, равоншиноси Маркази буҳронии занон аз шаҳри Қӯрғонтеппа, дар ин робита чунин мегӯяд: «Маърифати пасту нофаҳмоии тарафайн, муносибати бади онҳо бо якдигар низ боис мегардад, ки ҳатто насли бузургсоли мо имрӯз аз ҳам ҷудо мешаванд. Шояд баъзеҳо фикр кунанд, ки инсони бемаърифат бузургтар шуда, бомаърифат мешавад, вале иштибоҳ мекунанд. Он чизе, ки нест, ҳаст намешавад. Ҳамин аст, ки аксар занҳои мо ба умеде, ки рӯзе зиндагияшон ранги дигар хоҳад гирифт, ҳама пасту баландии ба сарашономадаро сабр менамоянд, вале аз ҳад, ки гузашт, оқибат ба ҳамин хушунат омада мерасад».

Бархе таҳлилгарон бар ин назаранд, ки имрӯз аз пош хӯрдани оилаҳои ҷавон дида барҳамхӯрии оилаҳои насли калонсол мояи нигаронии бештар аст. Чун дар ҳоле ки насли бузургсоли мо дорои таҷрибаи бойи зиндагӣ ҳастанду мебояд ҷавонон аз ҳаёти хушу осоиштаи онҳо сабақ гиранд, чунин ҷангу хархаша, рашкҳои беасос, зӯроварию бадрафтории онҳо намунаи ибрат барои дигарон буда наметавонад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!