19 мар 2015 18:24Оcиёи Марказӣ / Тоҷикистон

Бунёди мактаб бо 113210 доллари Ҷопон дар Темурмалик

Дар доираи кумакҳои бебозгашти Ҷопон ба Тоҷикистон дар ноҳияи Темурмалик бинои як мактаби миёна барои 180 хонанда бунёд ва мавриди истифода қарор дода шудааст.

Ин мактаб дар деҳаи “Гурулдӣ”-и ҷамоати Кушкияи ноҳияи Темурмалик воқеъ буда, бинои нав расман рӯзи 18 март бо ҳузури Йошиширо Хорие, муовини роҳбари ҳайати Сафорати Ҷопон дар Тоҷикистон ва раҳбарияти ноҳия ифтитоҳ гардидааст.

Бинои мазкур аз аз шаш синфхона ва дафтари омӯзгорон иборат буда, бо сармоягузории ҳукумати Ҷопон бар ивази 113 ҳазору 210 доллари амрикоӣ бунёд шудааст, ки дар он 180 донишомӯз таҳсил хоҳанд кард.

Дар маросими ифтитоҳи бинои мактаби деҳаи “Гурулдӣ” Мирзохон Гулмамадзода, раиси ноҳияи Темурмалик иштирок дошта, зимни суханронияш аз дастгирии ҳукумати Ҷопон изҳори миннатдорӣ кардааст.

Кумакҳои бебозгашт барои бахши аъзами аҳолӣ ва амнияти башарӣ тарҳи Барномаи расмии Ҷопон оид ба рушд мебошад, ки барои дастгирии соҳаҳои маориф ва тандурустию созмонҳои ғайридавлатӣ дар Тоҷикистон равона шудааст.

Дар асоси ин кумакҳои бебозгашти Ҷопон ба Тоҷикистон аз соли 1996 то инҷониб 341 лоиҳа амалӣ шудааст, ки маблағи умумии он 27.6 миллион доллари амрикоро ташкил медиҳад.

Мӯҳр

Хабарҳои монанд:

Довуд

Чопон як кишвари аз чихати масохат хурд. На захирахои нафти дорад на газ на дигару дигар. Лекин иктисодиёташ аз Россия барин кишвари сохиби тамоми захирахои табии бойтару пешрафтатар мебошад. Гап дар масохату боигари набудааст, балки дар захирахои инсони будааст хамдиёрони азиз. Ташаккур ба ЧОПОН барои даастгириаш.

Ҷавоб диҳед Иқтибос Шикоят

Довуд

Чопонихо аз чихати фаросат ва мадоро ба фикрам аз дигар миллатхо ба кулли фарк мекунад. Шояд онхо хам манфиатхои шахсии худро дошта бошанд. Лекин ман ахамият медихам аксари сармоягузорихои давлати Чопон ба Точикистон ба сохаи маориф ва тандурусти равона карда мешаванд на демократияю хукуки инсон. Онхо мисли гарбиён дуруя нестанд.

Ҷавоб диҳед Иқтибос Шикоят

Эзоҳ илова кунед