01 апр 2015 14:08Тоҷикистон / Иҷтимоӣ

Баҳси судӣ дар Абузабӣ: Фиребу истисмори шаҳвонии тоҷикон

Додгоҳи ҷиноии шаҳри Абузабии Аморати муттаҳидаи Араб ба баррасии парвандае оғоз кардааст, ки бар асоси он ду шаҳрванди Тоҷикистон - модар ва духтар дар истисмори шаҳвонии духтарон айбдор мешаванд.

Ба иттилои расонаҳои хабарии АМА, ин шаҳрвандони Тоҷикистон гӯиё ду духтари тоҷикро бо ваъдаи ҷои кори хубу таҳсил дар шаҳри Дубай ба ин минтақа оварда, ба танфурӯшӣ маҷбур кардаанд. Яке аз ин духтарон, ки 20 сол дорад, рӯзи 31 март дар додгоҳ гуфтааст, “ин зан дар Ватан ба мо ваъда дод, ки барои шумо дар АМА ҷои кори хуб ва имкони таҳсил дар яке аз колеҷҳо фароҳам мекунам, вале баъди омадан ба ин кишвар соли 2014 гапҳо тамоман дигар шуд. Дар аввал моро дар хонае нигоҳ доштанд ва баъдан ба танфурӯшӣ маҷбур карданд”.

Ба гуфтаи ӯ, гӯиё ин зани тоҷик шиносномаҳои онҳоро гирифта, гуфтааст, то хароҷоти сафар, пули виза ва чиптаро “ҷуброн” накунанд, раҳо нахоҳанд шуд: “Ману дугонаамро ба маконҳои гуногун, аз ҷумла марказҳои дилхӯшии шабона мебурду барои анҷоми амалҳои шаҳвонӣ бо мардҳо маҷбур мекард”.

Ин духтарони тоҷик дар ҳоле аз дасти ин ҳамватани худ раҳо шудаанд, ки дар пайи ирсол шудани пайёме аз сӯи дугонааш ба мақомоти пулис макони зисташон мавриди бозҷӯӣ қарор гирифтааст. Расонаҳои хабарии АМА менависанд, ин модару духтари тоҷик дар нахустин мурофиаи додгоҳӣ тамоми иттиҳомот алайҳи худро рад карда, гуфтаанд, кори баде накардаанд.

Додгоҳи ҷиноии Абузабӣ санаи мурофиаи навбатии ин парвандаро 15 апрели соли равон эълон кардааст.

Дар бораи ному насаби муттаҳамон ва ҷабрдидаҳо расонаҳо маълумоте надодаанд.

Мӯҳр

Хабарҳои монанд:

Исмоилова

Э мур зани точик нашуда

Ҷавоб диҳед Иқтибос Шикоят

ислом

хайфи ту барин зани точик хоини ватан

Ҷавоб диҳед Иқтибос Шикоят

Саймуддин

Агар хукумат ягон рохи боздошти чунин занхоро пайдо накунад, пагох марди точик зани бокираро пайдо намекунад, то бо вай хамсари кунад.
Чаро ба хизбу чамъиятхо ва точирон ба хар бахона фишор меоранд, вале ба ин масъалаи барои мадуми Шарк, бахусус мардхо фавкулодда мухим ягон макомот ахамият намедихад.
Хамчунин пешниход дорам, рохбароне ки аз духтарони чавон тамаъчуии шахвони мекунанд, чазо ба мухлати на кам аз 15 сол мукарра карда шавад. Зеро бисер рохбарони мард ба духтарон чашм моил мекунанд ва пеш аз ба кор гирифтан ва е дар давоми кор хамхобаги талаб мекунанд, агар не гуянд, бо бахонае аз кор чавоб медиханд. Вой мар холи чавонмардони точик, вой!!!!!!!!!!!!!!!!!!!!!!!!!!!!!!!!!!!!!!!!!!!!!1

Ҷавоб диҳед Иқтибос Шикоят

Тоҷик

....дар ватан кор бошад ҳеҷ кас ҳеҷ гуҷо саогардон намешавад...(((((((( feel