01 апр 2015 15:15Оcиёи Марказӣ / Тоҷикистон

Раҳимзода барои шунидани арзу шикоятҳо ба Хатлон меравад

Рамазон Раҳимзода, вазири умури дохилии Тоҷикистон дар асоси супориши раисҷумҳури кишвар барои суҳбати рӯбарӯ бо мардум ва шунидани арзу шикоятҳо ба вилояти Хатлон меравад.

Ба иттилои дафтари матбуоти Вазорати умури дохилии кишвар, Раҳимзода рӯзи 3 апрели соли равон дар бинои Раёсати умури дохилии вилояти Хатлон шаҳрвандонро ба ҳузур хоҳад пазируфт. Аз сокинони шаҳру навоҳии вилояти Хатлон, ки хоҳиши суҳбати рӯбарӯ бо Вазири умури дохилии кишварро доранд, хоҳиш шудааст, бо рақамҳои 8-32-22-2-36-80 ва 8-32-22-2-13-13 тамос гиранд.

Аз ин пеш, Рамазон Раҳимзода чунин суҳбат ва мулоқотеро бо сокинони вилояти Суғд рӯзи 18 марти соли равон анҷом дода буд.

Суҳбатхои рӯбарӯи вазири умури дохилии Тоҷикистон дар ҳолест, ки Эмомалӣ Раҳмон дар ҷаласаи охири Шӯрои амнияти Тоҷикистон ба ӯ дастур дод, барои ҷилавгирӣ аз қонуншиканиҳои кормандони ниҳоди таҳти раҳбарияш бо сокинони шаҳру навоҳии кишвар суҳбатҳои рӯбарӯ анҷом диҳад.

Мӯҳр

Хабарҳои монанд:

ватандуст

худо баракатат дихад мухтарам вазир. ман хамчун як шахрванд пешниход дорам, ки чунин сухбатгузарониро бо мардум зиёдтар ва тез тез кунед. вазъияти мардумро зиндагии мардумро суханхои мардумо шунавед ва ба инобат гиред. зеро дар сохаи сохтори кудрати хастанд баъзе хизматчиёне,ки пора талаб мекунанд ба мардум зулму ситам меоранд. хуб мешуд, ки мухтарам вазир хамин хел вохурихоро бо мардум акалан дар ду мох як бор мегузарондед.аз холи коргарони милитсияи точик бохабар бошед, зеро шумо огох нестед баъзан коргари милитсия дар чи корхо машгуланд. бисёрихояш бо тагаву бо сум вазивдор шудаанд. конуни худашонро намедонанд. албатта ки бад ба мардум зулм мешавад аз тарафи ин гуна коргарони милитсия. я чахон ташаккур мухтарам вазир бо мардум хамкориро зиёд кардан даркор сатхи зиндагонии мардумро боло бурдан даркор ва ватанамонро ободу озод нигох доштанамон даркор. худованд Точикистони моро нигохбон бошад ва бигузор, ки яке аз давлатхои пешрафта насибамон гардонад.

Ҷавоб диҳед Иқтибос Шикоят

Махлие

Бо шахрихои асили шахри Душанбе кай вомехуред?

Ҷавоб диҳед Иқтибос Шикоят

Эзоҳ илова кунед