13 апр 2015 16:13Тоҷикистон / Сиёсат

АКС: Орзуи ҷавонии Эмомалӣ Раҳмон ва насиҳат ба донишҷӯён

Эмомалӣ Раҳмон, раисиҷумҳури Тоҷикистон баъди зуҳри имрӯз, 13-уми апрел бо беш аз 30 донишҷӯи тоҷики дар Корея таҳсилкунанда мулоқот намудааст.

Тавре донишҷӯёни тоҷик аз Корея иттилоъ доданд, мулоқот дар як фазои озод баргузор гардида, раисиҷумҳури Тоҷикистон таъкид намудааст, ки ҷавонӣ зуд мегузарад ва худаш низ орзу дорад, ки мисли муҳассилин ҷавон бошад. Ӯ аз иштирокдорони мулоқот даъват намудааст, ки ба қадри ҷавонӣ бирасанд ва илм омӯзанд, чун ба гуфтаи раисиҷумҳури Тоҷикистон мутахассиси хуб на дар дохил ва на дар хориҷи кишвар бекор нахоҳад монд.

Тибқи иттилои дафтари матбуоти раисиҷумҳури Тоҷикистон ҳоло дар Ҷумҳурии Корея беш аз 100 донишҷӯи тоҷик таҳсил мекунанд, ки Эмомалӣ Раҳмон аз онҳо даъват кард, то аз имкониятҳои доштаашон хуб истифода кунанд: “Эмомалӣ Раҳмон аз ҷумла иттилоъ дод, ки имрӯз танҳо бо дастгирии Ҳукумати Ҷумҳурии Тоҷикистон зиёда аз 30 ҳазор донишҷӯйи тоҷик дар хориҷи кишвар, аз ҷумла дар кишварҳои пешрафтаи қитъаҳои Аврупову Амрико ва Осиё илму маърифат меомӯзанд”.

Раисиҷумҳури Тоҷикистон афзудааст, ки дар оянда шумораи бурсияҳо (квотаҳо)-и Ҷумҳурии Корея барои донишҷӯёни тоҷик боз ҳам бештар хоҳад шуд: “Ҳамчунин масъалаи ба роҳ мондани алоқаи мустақили ҳавоӣ миёни Тоҷикистону Корея мавриди омӯзиш қарор дорад. Дар ҳошияи ин мулоқот миёни Вазорати нақлиёти Тоҷикистон ва Донишгоҳи ҳавонавардии Корея доир ба омодасозии кадрҳои тоҷики ин соҳа созишномаи ҳамкорӣ ба имзо расид. Тавре зикр гардид, дар шароити рушди имрӯзаи соҳаи ҳавонавардӣ афзун намудани шумораи кадрҳои ҷавони ин соҳа барои Тоҷикистон басо муҳим аст”.

Дафтари матбуоти раисиҷумҳур мегӯяд, зимни ин мулоқот маълум шуд, ки дар Ҷумҳурии Корея беш аз 40 соҳибкори тоҷикистонӣ фаъолият мекунанд ва шумораи онҳо рӯй ба афзоиш дорад.

Мӯҳр

Хабарҳои монанд:

.Нуктасанҷ

Сӣ ҳазор доришҷӯ бо дастгирии ҳукумат дар хориҷа мехонанд?!
Яқинан иштибоҳ аст. Озодагон, иттилои бардуруғро нагузоред.
Ин қадар донишҷӯ дар хориҷа таҳсил мекарданд, Тоҷикистон Ҷопун мешуд!

Ҷавоб диҳед Иқтибос Шикоят

Истиклол

Мо чавонони Точикистон бо шумоем Чаноби Оли.мухтарам Эмомали Рахмон

Ҷавоб диҳед Иқтибос Шикоят

Хакикат

Офарин ба часорат ва неруи бузурги Чаноби Оли ПРЕЗИДЕНТИ ЧТ МУХТАРаМ ЭМОМАЛИ РАХМОН. Ташаккур барои таваччухи беандоза нисбати чавонон, нисбати миллату давлат ва арзишхои милливу, мукаддасоти точикон. Бинед дар аксхо чун фарзандони худ ба чавонон таваччух дорад. Ташаккур ба ин марди ватанпарвар.Субх ин аксхоро дидан ба куд кувваву илхоми неки ватандустиро гирифтам. Ояндаи миллати мо дурахшон бод бо сарварии ЭР

Ҷавоб диҳед Иқтибос Шикоят

хуншуд

дар хакикатан чаноби оли хизмат барои маллт карли офари .Нуктасанҷ,
.Нуктасанҷ,

Ҷавоб диҳед Иқтибос Шикоят

Эзоҳ илова кунед