Эшони Нуриддин: Ҳалокшудагон дар Файзобод шаҳиданд...
Эшони Нуриддинҷон, яке аз руҳониёни маъруфи тоҷик мегӯяд, аз нигоҳи Ислом афроде, ки дар пайи фаромадани ярч дар деҳаи Яккабеди ноҳияи Файзобод ба ҳалокат расидаанд, шаҳид мебошанд.
Ӯ дар посух ба бародари яке аз қурбониёни ярч дар Файзобод, ки тариқи сомонаи хонаводагии бародарон Тураҷонзодаҳо, “turajon.org” суол кардааст, “оё ҳалокшудагон дар Файзобод шаҳид ҳисоб мешаванд”, изҳор доштааст: “Оре, шумо метавонед онҳоро шаҳид бигӯед ва иншоаллоҳ онҳо дараҷаи шаҳодатро назди Худо ёфтаанд, зеро Паёмбар алайҳиссалом дар ҳадиси саҳеҳ мегӯянд: Шаҳидон ба ғайр аз шаҳиди дар роҳи Худо ҳафт тоифаи дигаранд, ки яке аз онҳо касонеянд, ки дар зери вайрона( мисли девор ва ё ярч) мемиранд (Ривояти Абудовуд ва Насои)”.
Ин дар ҳолест, ки тибқи иттилои Кумитаи ҳолатҳои фавқулодаи Тоҷикистон 10 сокини деҳаи Яккабеди ноҳияи Файзобод -- Шодмон Алимардонов, соли таваллудаш 1990, Муҳаммад Умаров соли таваллудаш 1987, Худойбердӣ Одинаев соли таваллудаш 1963, Исҳомиддин Абдуллоев соли таваллудаш 1989, Саид Саидов соли таваллудаш 1997, Далер Кабиров соли таваллудаш 1998, Фахриддин Нуров соли таваллудаш 1986, Мақсуд Толибов соли таваллудаш 1996, Наим Қурбонов соли таваллудаш 1979 ва Мақсуд Шодиев соли таваллудаш 1986 рӯзи 3-юми апрел зери ярч мондаанд, ки то ҳол ҷасади чор нафарашон пайдо шудааст.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |