06 май 2015 11:22Тоҷикистон / Иқтисодӣ

Роҳандозии ҷазо барои ҳисоботи дурӯғи мансабдорони тоҷик

Маҷлиси намояндагон, палатаи поёнии парлумони Тоҷикистон, имрӯз, 6 май лоиҳаи иловаҳо ба Кодекси ҳуқуқвайронкунии маъмурии кишварро қабул намуд, ки тибқи он барои пешниҳоди омори дурӯғ ҷазо пешбинӣ шудааст.

Рустам Шоҳмурод, вазири адлияи Тоҷикистон зимни муаррифии лоиҳа дар парлумон гуфт, бо қабули иловаҳо ба Кодекси ҳуқуқвайронкунии маъмурӣ, шахсони мансабдор ва афроди ҳуқуқӣ дар сурати нодуруст ва ё нопурра пешниҳод намудани омор ба ҷавобгарӣ кашида мешаванд. Вазири адлия афзуд, ҳадаф аз ин навгонӣ роҳандозии омори дурусти давлатӣ дар кишвар мебошад.

Ин дар ҳолест, ки Эмомалӣ Раҳмон, раисиҷумҳури Тоҷикистон дар мулоқот бо соҳибкорони тоҷик гуфт, ҳам намояндагони бахши хусусӣ ва бахши давлатӣ ба пешниҳоди ҳисоботи бардурӯғи оморӣ даст мезананд: “Айни замон ҳисоботи оморӣ дар аксари ҳолатҳо ба воқеият рост намеояд. Маълумоти оморӣ оид ба истеҳсоли маҳсулот ё хизматрасонӣ бо дарназардошти манфиатҳои шахсӣ ё идоравӣ, аз ҷумла бо мақсади аз андозбандӣ пинҳон кардани истеҳсоли маҳсулот, барзиёд нишон додани иҷрои нақшаи истеҳсол ва дигар сабабҳо кам ё зиёд нишон дода мешавад, ки ин боиси мураккаб гардидани банақшагирии истеҳсоли маҳсулот, воридот ва содироти он мегардад”.

Мӯҳр

Хабарҳои монанд:

Арифметика

Акнун, мансабдорони ОЛИЧАНОБ , оё метавонед 2х2=4 навиштан ?????
Агар ин Конун чори шавад бо боварии 200% метавон пешгуи кард , ки
хачми истехсоли махсулоти дохили 45% кохиш меёбаду ана баъд "аз
даст додани мансаб" дар мохи декабр хатми рахандози хохад шуд !!!!

Ҷавоб диҳед Иқтибос Шикоят

банакшагири

Аслан бардуруг ё изофанависи дар сохаи омор ин супориши мебошад.
Барои хубнишон додани нишондихандахои асосии нохия ва ё шахр кормандони оморро мачбур месозанд, ки нишондихандахоро зиёд яъне ба кавли худашон нисбати соли гузашта + созанд.
Агар хуб мешуд дар кодекси маъмури нисбати супоришдихандагон низ чазо пешбини мешуд ин ба манфиати кор мебуд.
Хамчунин ин супоишхо на дар сохаи омор балки дар байни ташкилоту муассисахо низ сурат мегирад, ки шумо рафта дар омор фалон ракамро дихед.
Хамаи ин ба максади пилуси кори рохбарон мебошад.

Ҷавоб диҳед Иқтибос Шикоят

журналист

ВАО буд, ки 10-хо макола оид ба омори дуругу нодурусти масъулини бемасъулият ба нашр медод. Харчанд давлатмардон аз он нописанди мекарданд, ахиран ин хушдор ба гуши парлумон расид (аниктараш, шояд президент пешниход карда бошад). Ба хар хол, ин музаффарияти ВАО аст. Аз ин хотир, саридавлатбудагонро зарур аст то бо ВАО алокаи зичи кориро чори намоянд, агар ба манфиати давлату миллат кор кардан мехоханд

Ҷавоб диҳед Иқтибос Шикоят

Эзоҳ илова кунед