12 май 2015 10:35Тоҷикистон / Сиёсат / Дидгоҳи хос

АП: Сардори “ОМОН” 10 тоҷики дигарро ба ДИИШ ҷалб кардааст

Полковник Гулмурод Ҳалимов, сардори “гумшуда”-и дастаи таъйиноти махсуси ВКД ё “ОМОН”-и Тоҷикистон, вақтҳои охир ба фаъолияти созмони террористии ба ном “Давлати Исломӣ” майл доштааст ва ҳудуди 10 шаҳрванди дигари кишварро ба ивази маблағ ба ин ҳаракат ҷалб намудааст.

Дар ин бора хабаргузории “Азия Плюс” аз қавли манобеаш дар мақомот иттилоъ дода, афзудааст, Ҳалимов вақтҳои охир миёни наздиконаш ғояҳои “Давлати исломӣ”-ро паҳн мекардааст. Ба иттилои ин хабаргузорӣ, Ҳалимов ҳамроҳ бо 10 шаҳрванди дигари Тоҷикистон, ки бекор будаанд, якуми май ба Маскав парвоз намудааст: “Аллакай 2 май ӯро дар фурудгоҳи Шереметоваи Маскав дидаанд". Гуфта мешавад, барои ҷалби ҳар ҷангҷӯй ба полковник маблағи зиёд ваъда додаанд.

Ин дар ҳолест, ки қаблан манобеи “Озодагон” дар мақомоти умури дохилӣ, хабари гумшавии полковник Гулмурод Ҳалимов, сардори дастаи таъйиноти махсуси ВКД ё “ОМОН”-ро дурӯғ хонданд. Тавре бархе аз кормандони ин ниҳод ба “Озодагон” гуфтанд, Ҳалимов гум нашуда, балки дар рухсатии меҳнатӣ дар Туркия қарор дорад. Аммо манобеи дигар дар мавриди боздошти Ҳалимов хабар доданд, ки гӯиё дар роҳ ба сӯи кишвари Сурия қарор доштааст.

Ин дар ҳолест, ки Вазорати умури дохилӣ дар бораи қазияи Ҳалимов расман шарҳе надода ва хабари гум шуданашро такзиб ё тасдиқ накардааст. Ин ҳолат боиси сар задани ҳар гуна овозаҳо гардидааст.

Хабаргузории "TojNews" рӯзи 7 май иттилоъ дода буд, ки силоҳ ва ҳуҷҷати полковники милитсия Ҳалимов дар ҳуҷраи корияш ёфт шуда, аммо дар куҷо буданаш маълум нест: “Сабукрави Гулмурод Ҳалимовро дар ҳудуди шаҳри Душанбе пайдо кардаанд ва ҳадди ақал даҳ рӯзи ахир дар куҷо будани фармондеҳи ОМОН маълум нест”.

Гулмурод Ҳалимови 40-сола, ки тайи се соли охир вазифаи сардори Дастаи таъйиноти махсуси Вазорати корҳои дохилии Тоҷикистонро ба уҳда дорад, соли гузашта бо фармони вазир унвони полковникиро гирифт. Ӯ, ки маълумоти олии ҳуқуқӣ дорад, барои шуҷоату мардонагӣ дар амалиётҳои гуногун дар минтақаҳои Тоҷикистон бо ордену медалҳо сарфароз гардидааст.

Мӯҳр

Хабарҳои монанд:

Софдил

Боз гап сари кадрхо. Кадрхои ба воя расонидаи худамон-да. Бинед моро ба кучо мебаранд. Шукри тенчию амонии мамлакат карданамон даркор. Худо накунад ин ношукрихо ба сари мо чихо меорад.

Ҷавоб диҳед Иқтибос Шикоят

0101

озодагон вакте ягон далели дакик надоред барои чи ин гуна овозахои бардуругро чоп мекунед? ягон гапатон ба габи дигаратон мувофикат намекунад! мардумро ба вохима наандозед! ин кас хеч вакт ба ватан хиёнат намекунад! агар мекард тули ин кадар вакти рохбарияш мекард.

Ҷавоб диҳед Иқтибос Шикоят

dsfgj;h

Як миллион долар гирифтааст мега як корманди ВКД ба ман!

Ҷавоб диҳед Иқтибос Шикоят

Мухочир

озодагон барои чи навиштагихои манро чоп накардед! хамин аст озодии шумо мухтарам журналистон? натарсет фикри халкро чоп кунед

Ҷавоб диҳед Иқтибос Шикоят

Abu Abdulloh

Ozodagoni kofar. In palkovnik yagon sum nagiriftaast. Va shahsone ki davat mekunan yagon shahsro yagon tanga namegiran. Vaqti tu kam mondaast ozodagon..

Ҷавоб диҳед Иқтибос Шикоят

Шахрванд

Ман як чизро намефахмам, ин одамон касали рухи доранд ба он чойхои чангзада мераванд? О Худованд барои инсон 5 фарз фармудааст тамом. Дар ончое, ки ба ном чиход мекунед аз он тараф хам мусалмонон мечанганд шояд точикон хам бошанд. О то кай бо яроки давлатхои гарб мусалмонро бо дасти мусалмон мекушед. Як бор фикр намекунед, ки дар хонаатон калуш харида наметавонистед ин кадар ярокро ки ба шумо медихад бо кадом пул? Охир аз барои Худо фарзандатро тарбият кун, Падару Модаратро то дами марг нигохбун кун то баракати умр бубини. Дар урфият бехуда нагуфтаанд "Ягон гурба аз барои Худо муш намедорад". Холо хам дер нашудааст фирефта нашавед бародарон! Хонахои худро обод кунед, фарзандонатонро илм дихед,панч вакт намозатонро хонда, хонаи Худо зиёрат равед ва дуъо кунед, ки Худованд ба хамаи мо мусулмонон имони комил дихад.

Ҷавоб диҳед Иқтибос Шикоят

Эзоҳ илова кунед