Дандонпизишки муосир метавонад муъҷиза эҷод кунад
Тайи 2 сол мешавад, ки сокинони кишвар аз хизматрасонии бахши дандонпизишкии Бемористони Ибни Сино истифода мебаранд. Сатҳи пазироӣ, қабул ва хизматрасонии олӣ бо истифода аз шароити мусоиде, ки дар ин бахш муҳайёст, ба он мусоидат намуда аст, ки таваҷҷуҳ ва муроҷиати шаҳрвандон рўз аз рўз зиёд гардад.
Бахши дандонпизишкии бемористон бо навтарин таҷҳизоти замонавӣ муҷаҳҳаз гардида, дар он аз навтарин усули кори соҳа бо такя аз таҷрибаи мутахасисони ҷаҳонӣ кор бурда мешавад. Наримон Дахте, мутахассиси ин шӯъба бартариҳои фаъолияташон ҳарф зад:
- Сараввал тамоми таҷҳизоти мо замонавӣ ва босифат буда, усули табобати мо низ нав мебошад. Мо аз доруҳое истифода мекунем, ки дар Аврупову Амрико истеҳсол мешаванд. Ҳатто тазриқи ҳамон сўзандоруе, ки ба милк ворид карда мешавад, тамоман бедард аст, зеро пеш аз ин амал ба милки бемор гели махсус молида мешавад. Бедардкунии босифат имкон медиҳад, ки табобатро низ босифат анҷом бидиҳем. Дар шӯъбаи мо сар аз аз бедардакунӣ ва руйкашкуниву имплантгузорӣ ҳама намуди табобати дандон анҷом дода мешавад.
- Имлантантатсия дандон - насби решаи маснуъӣ, ба калонсолон ҳам анҷом дода мешавад?
- Чаро не?! Омили муайянкунанадаи гузоштани имлантант на сину сол, балки вазъи саломатѝ аст. Инки анҷоми амал мумкин аст ё не, пас аз муоинаи дақиқи фарди мушаххас, ба хусус вазъи дандонҳои вай муайян карда мешавад.
- Дар мавриди усули микрорўйкашҳо каме маълумот медодед.
- Ин усул имкон медиҳад, ки бидуни даст расонидан ба дандонҳои солим дар муддати кўтоҳ рўйкаш (протез) гузошта шавад. Дар бахши дандонпизишкѝ мо дар муддати ду рўз ин амалро ба итмом мерасонем.
- Дар ин бахш беморон ба табобат ҳам фаро гирифта мешаванд?
- Бале, табобати решаи дандон асоси дармони дандон ба ҳисоб меравад. Барои назорати сифати дандон дар бемористони мо аз визиограф (рентген) истифода мешавад. Ин дастгоҳи нодир имкон медиҳад, дар ҳамон курсии табобатӣ, саривақт аксбардорӣ ва ташхис гузаронида шавад. Ҳам вақти мизоҷ сарфа мешавад ва ҳам аз ҳуҷра ба ҳуҷра рафта навбат намеистад ва табиб ҳам билофосила табобатро шурӯъ мекунад.
Соли гузашта мо ба зиёда аз 500 бемор хидмат расонидем, бо онҳо тамоси ду ҷониба дорем ва то ҳол аз ҷониби нафаре, ки инҷо табобат гирифта аст, шикояте нашунидаем.
- Сабаби ин дастовардро дар чӣ мебинед?
- Сабаб ҳамоно наву замонавӣ будани таҷҳизот, шароити олии корӣ, таъмин будан аз маводҳои хориҷӣ мебошад. Барои баланд бардоштани тахассус мо чандин маротиба ба Эрон сафар доштем. Аз тарзи корбарии табибони шинохташуда ошно гардидем, маслиҳат гирифтем, омӯхтем, аз худ кардем.
Нисбати бемороне, ки гирифтори гепатит ҳастанд ҳаминро зикр карданиам, ки ба ин гуна беморон асбобу ашёи истифода мешуда, махсус, яъне алоҳида, дода мешавад. Барои ҳар як бемор мо аз васоили якмасраф истифода мекунем ва иҷроиши қоидаҳои санитарѝ -эпидомологӣ дар сатҳи аврупо қарор дорад, зеро чѝ тавре, ки дар боло зикр кардем, тамоми шароит ва имконоти хуб барои мо фароҳам карда шудааст.
Теъдоди мизоҷони мо торафт бештар шуда истодааст ва истифода аз “Барномаи амал”, ки бо ҳамдастӣ бо ширкати “Суғуртаи миллӣ” роҳандозӣ шуда аст, хароҷоти мизоҷонро метавонад то 80% камтар гардонад.
Кадом намуди касалиҳои дандон табобат карда мешаванд, дандон гузоштан чӣ нархе дорад, ва дигар маълумоти заруриро аз сайти расми Бемористони Ибни Сино https://ibnisino.tj/ ва www.sugurta.tj метавонед пайдо намоед.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |