Масъули Кумитаи дин: Ба дастандаркоронатон гӯед, аз бӯҳтон нисбат ба Тоҷикистон даст кашанд
Ин масъули Кумитаи дин паёми Шерозиро, ки дар он аз Эмомалӣ Раҳмон хоста буд, ба мақомоти давлатӣ бигӯяд, то “мардумро ба ҳоли худ гузоранд” авомфиребона ва шитобзадагӣ хондааст. Ба гуфтаи Юсуфов, ин марҷаи тақлиди Эрон дар ҳоле ба ҳимоят аз диндорони тоҷикистонӣ садо баланд кардааст, ки дар Тоҷикистон қонуне ба тавсиб нарасидааст, ки пӯшиши мардумро аз рӯи эътиқодаш манъ карда бошад: “Тавсияи Президенти кишвар ба хотири ҳифзи арзишҳои миллии сунатии тоҷикон аст. Агар чунин қонуне бошад, аз Оятуллоҳи мӯҳтарам хоҳиш карда мешавад, ки кори хайре кунеду ба дастандаркоронатон гӯед, то онро ба мо - шаҳрвандони Тоҷикистон нишон диҳанд ва ё аз бӯҳтон задан нисбат ба Тоҷикистон даст кашанд”.
Сардори Раёсати таҳлил ва ташхиси диншиносии Кумитаи оид таъкид кардааст, низоми демократие, ки дар Тоҷикистон мебошад, тавонистааст, миёни пайравони андешаҳои гуногун ҳамзистию таҳаммулпазироро таъмин кунад ва аз ин рӯ, хуб мешуд, агар “дар қабул намудани ҳар гуна хабар аз рӯи манҳаҷи Қуръон амал мекард, ки мефармояд: "Эй мӯъминон, агар фосиқе хабареро пеши шумо биёрад, пас, таҳқиқ кунед, мабодо ба нодонӣ қавмеро зарар расонед, пас, аз он чи амал кардаед, пушаймон шавед!”. (Сураи Ҳуҷурот, ояти 6). Вале мебинем, ки ин манҳаҷ риоя намегардад”.
Юсуфов афзудааст, маҳз нооромии кишварҳои исломию арабнишин ва бесарусомониҳои минтақа дар пайи дархостҳои ин гуна, ки “Мардумро ба ҳоли худ гузоред!” ба миён омада, беҳтар буд, агар ин марҷаи тақлиди Эрон аз дахолат ба умури дохилии Тоҷикистон, ки ҳоло мавриди “ҳамлаи густурдаи иттилоотӣ” қарор дорад, худдорӣ мекард: “Оятуллоҳи мӯҳтарамро авлотар ин аст, ки ба ҷои тарвиҷ намудани хабарҳои нодуруст ва муғризонае ҳамчун олим аз пайи иҷрои рисолати илмии худ бошад. Зеро ҳама дарк карда истодаанд, ки дахолат кардан дар корҳои дохилии кишвари дигар ва таҳмили андешаи муайян ба зарари ҳамагон анҷом ёфта истодааст”.
Ин дар ҳолест, ки қаблан масъулини Шӯрои уламои Маркази исломӣ ва Донишкадаи исломии Тоҷикистон низ бо нашри изҳорот ба паёми Шерозӣ посух гуфтаанд.
Оятуллоҳ Макорими Шерозӣ ахиран дар масҷиди аъзами Қум аз Эмомалӣ Раҳмон хост, ба мақомоти Тоҷикистон дастур диҳад, то “мардумро ба ҳоли худашон гузоранд”. Шерозӣ гуфта буд, “дар ахбор матолибе мунташир шуд, ки раисиҷумҳури Тоҷикистон матлаби тунде дар бораи ҳиҷоб гуфта ва дар пайи он дар кӯча ва хиёбон чодар аз сари занон кашидаанд. Мо паёми дӯстонае ба раисиҷумҳур дорем. Мо ин корро дар замони Ризохон таҷруба кардем, вале мардум таслим нашуд. Ин масъала боис мешавад, ки байни давлат ва миллати Тоҷикистон ихтилоф биафтад ва дар ин шароити ҳассос сазовор нест”.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Май 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | ||
| 6 | 7 | 8 | 9 | 10 | 11 | 12 |
| 13 | 14 | 15 | 16 | 17 | 18 | 19 |
| 20 | 21 | 22 | 23 | 24 | 25 | 26 |
| 27 | 28 | 29 | 30 | 31 | ||
