ВКД: Ронанда нозири БДА-ро зимни иҷрои вазифа корд задааст
Раёсати умури дохилии вилояти Хатлон мегӯяд, имрӯз, 16 май як ронанда дар шаҳри Кӯлоб бо корд ба шиками майори Бозрасии давлатии автомобилӣ -- Суҳроб Исмонқулов се зарба задааст.
Тавре аз ин ниҳод ба “Озодагон” иттилоъ доданд, Исмонқулов дар хиёбони марказии шаҳри Кӯлоб замоне ҳадафи ҳамлаи ронанда қарор гирифт, ки ба иҷрои вазифаҳои хидматӣ, аз ҷумла тафтиши ҳуҷҷатҳо машғул будааст: “Айни ҳол корманди БДА дар ҳолати вазнин дар беморхона бистарӣ мебошад. Ронанда феълан боздошт шуда, сабаби сар задани нофаҳмӣ миёни ронандаю БДА ва дигар ҷузъиёти ҳодиса идома дорад”.
Ин дар ҳолест, ки ахиран ронанда Салимов 3.М барои он ки ба фармони Аъзам Раҷабов, нозири Воҳиди махсус итоат накарда, ӯро болои капот бардошта, маҷруҳ намудааст, бо қарори Додгоҳи ноҳияи Исмоили Сомонии шаҳри Душанбе барои 2,5 сол равонаи зиндон шуд. Дар маҷмӯъ аз аввали соли равон ду ҳолати дигари болои капот бардоштани нозирони роҳ аз ҷониби ронандаҳо ба қайд гирифта шудааст, ки навори яке аз онҳо ба интернет низ роҳ ёфтааст.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |