Ҷаласаи ҳукумат: Аз масоили кадрӣ дар ВКД то рушди кинои тоҷик (АКС)
Дар ҷаласаи ҳукумати Тоҷикистон таҳти раёсати Эмомалӣ Раҳмон, имрӯз, 29-уми май нахуст масъалаи кадрӣ баррасӣ шудааст.
Тибқи иттилои дафтари матбуоти раисиҷумҳури Тоҷикистон дар ҷаласаи ҳукумат аъзои нави ҳайати мушовараи Вазорати корҳои дохилӣ ва Кумитаи давлатии идораи замин ва геодезии кишвар тасдиқ карда шуд.
Манбаъ мегӯяд, инчунин дар ҷаласа Шӯрои ҳукуматӣ оид ба рушди кинематографияи миллӣ таъсис дода шуд: “Дар баробари ин низомномаи намунавии Шӯрои нозирони ҷамъияти саҳомӣ ва Стратегияи рушди инноватсионии Ҷумҳурии Тоҷикистон барои давраи то соли 2020, Низомномаи намунавӣ оид ба таҳия, экспертиза ва нашри адабиёти таълимӣ тасдиқ гардид”.
Инчунин ҳукумат лоиҳаи ду қонун доир ба ворид намудани тағйиру иловаҳо ба қонунҳо “Дар бораи мақомоти амнияти миллии Ҷумҳурии Тоҷикистон” ва “Дар бораи масъулияти падару модар дар таълиму тарбияи фарзанд” маъқул дониста шуда, ба баррасии Маҷлиси намояндагони Маҷлиси Олии Ҷумҳурии Тоҷикистон пешниҳод карда шуд.
Дафтари матбуоти раисиҷумҳур илова намуд, ки дар ҷаласаи лоиҳаи Ёддошти тафоҳум миёни Саридораи геологияи назди Ҳукумати Ҷумҳурии Тоҷикистон ва Вазорати саноати маъдани Ҷумҳурии Исломии Афғонистон оид ба ҳамкории илмию техникӣ ва Нақшаи генералии маркази ноҳияи Восеъи вилояти Хатлон тасдиқ гардид.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |