Бо супориши Э.Раҳмон 76 мошини пурбор Бадахшон рафт
Субҳи якшанбеи 7 июн бо супориши Эмомалӣ Раҳмон, раисиҷумҳури кишвар корвони иборат аз 76 мошини ҳомили 1100 тонна маводи ғизоӣ ҷониби Бадахшони Куҳӣ роҳ гирифтааст.
Бино ба иттилои дафтари матбуотии президент, ин маводи ғизоӣ ба 8597 оилаи камбизоат ва ниёзманди вилоят тақсим хоҳанд шуд: “Илова бар ин, ба 670 нафар тарбиягирандагони мактаб – интернатҳои вилоят ва 77 нафар ятимони кулл сару либос ва пойафзол, инчунин ба маъюбон аробачаҳои маъюбӣ ва дигар воситаҳои техникии тавонбахшӣ кумак карда мешавад”.
Манбаъ арзиши умумии маводу маҳсулотеро, ки ба сокинони ниёзманди вилояти Бадахшон интиқол шудааст, панҷуним миллион сомонӣ мегӯяд: “Кумаки зикршуда беш аз 60 ҳазор нафар аҳолии вилоятро фаро гирифта, нишондиҳандаи ғамхории Президенти Ҷумҳурии Тоҷикистон муҳтарам Эмомалӣ Раҳмон нисбат ба ятимону маъюбон ва ниёзмандону оилаҳои камбизоат мебошад”.
Дафтари матбуотии президент меафзояд, бо мақсади ба таври шаффофу мақсаднок дастрас намудани молу маҳсулот аз ҳисоби аъзои Ҳукумати мамлакат, кормандони масъули Дастгоҳи иҷроияи Президент ва роҳбарони шаҳру ноҳияҳои Вилояти Мухтори Кӯҳистони Бадахшон гуруҳи корӣ таъсис шудааст.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |