Пешниҳоди Э.Раҳмон: 10-солаи “Об барои рушди устувор” эълон шавад
Эмомалӣ Раҳмон, раисиҷумҳури Тоҷикистон зимни суханронӣ дар Конфронси байналмилалии сатҳи баланд доир ба раванди татбиқи амалии Даҳсолаи байналмилалии амалиёти “Об барои ҳаёт” дар солҳои 2005-2015 пешниҳод кард, барои 10 соли оянда даҳсолаи нави байналмилӣ таҳти шиори “Об барои рушди устувор” эълон шавад.
Конфронси мазкур субҳи имрӯз, 9 июн дар Кохи Сомон, бустонсарои шаҳрии Ҳукумати Тоҷикистон оғоз ба кор кард ва то 11 июн идома мекунад. Ба иттилои дафтари матбуотии президенти кишвар барои иштирок дар ин конфронс беш аз 1500 нафар аз зиёда аз 100 кишвари ҷаҳон ва даҳҳо созмонҳои байналмилалию минтақавӣ ба Тоҷикистон омадаанд.
Дар маросими ифтитоҳии ҳамоиши мазкур дабири кулли Созмони Милали Муттаҳид -- Пан Ги Мун, сарвазири Покистон -- Муҳаммад Навоз Шариф, роҳбари ҳукумати иҷроияи Афғонистон -- доктор Абдуллоҳ Абдуллоҳ, сарвазири Қирғизистон -- Темир Сариев, сарвазири Ҷумҳурии Габон -- Даниэл Она Ондо, муовини аввали сарвазири Қазоқистон -- Бахтижон Сагинтаев, муовини раиси кабинети вазирони Туркманистон -- Аннагелди Язмуродов, муовини Дабири кулл/мудири барномаи рушди СММ -- Ҳелен Кларк, директори дафтари минтақавии СММ – Занҳо доир ба Аврупо ва Осиёи Марказӣ -- Ингибджорг Гисладоттир суханронӣ хоҳанд кард.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |