11 июн 2015 11:34Тоҷикистон / Иқтисодӣ

Машварати бонкдорҳои тоҷик: Нуқтаҳои мубодила ва интиқоли асъор як шаванд...(АКС)

Ҷамшед Нурмаҳмадзода, раиси Бонки Миллии Тоҷикистон бо бонкдорҳои кишвар дар бораи баҳисобгирии амалиёти асъорӣ ва интиқоли маблағҳои пулӣ машварати корӣ баргузор намудааст.

Тибқи иттилои дафтари матбуоти Бонки Миллӣ Нурмаҳмадзода дар ҳузури роҳбарони низоми бонкӣ ва ташкилотҳои қарзӣ диққати асосиро ба яке аз масъалаҳои муҳим ва ҳалталаби низоми бонкӣ – таъмини назорат ва санҷиши баҳисобгирии пурра ва воқеии амалиёти асъорию интиқоли маблағҳо ҷалб намуд. Ӯ изҳор доштааст, ки дар якҷоягӣ бо Прокуратураи генералӣ ва дигар мақомоти ҳифзи ҳуқуқ барои пешгирӣ кардани қонунвайронкуниҳо дар ин самт чорабиниҳои дахлдор андешида шуда истодаанд.

Дафтари матбуоти Бонки Миллӣ мегӯяд, зимни машваратҳо масъалаи муттаҳид намудани нуқтаҳои мубодилаи асъор ва нуқтаҳои интиқоли маблағҳо, анҷом додани амалиёти мубодилаи асъор ва интиқоли маблағҳо танҳо тавассути ташкилотҳои қарзӣ(филиал ва марказҳои хизматрасонии онҳо), пайваст кардани низоми амалиётии ташкилотҳои қарзӣ ба низоми дахлдори Бонки миллии Тоҷикистон, рушди бозори байнибонкии асъор, таҳия ва қабули санадҳои меъёрии ҳуқуқии Бонки миллии Тоҷикистон фикру андешаҳо иброз гардиданд.

Ба иттилои манбаъ роҳбарони бонкҳои ҷумҳурӣ дар навбати худ пешниҳоди Бонки миллиро дар ин самт дастгирӣ намуда, қайд карданд, ки дар рӯзҳои наздик хулоса ва пешниҳодоти худро манзур медоранд.

Мӯҳр

Хабарҳои монанд:

Амин

Доллар бисёраю нуктахои мубодилаи асъор "кор" кардестиян. Пеши рохша хатман гирен масъулин, ки и чаллобо ба мардуми худшон рахм надоран!!!

Ҷавоб диҳед Иқтибос Шикоят

Агар хамаи асъори воридшударо самаранок истифода барем ба хама мерасад факат механизмаша фикр кардан лозим аст ки ин вазифаи сентробонк мебошад такчто фикр кунен чанобон.

Ҷавоб диҳед Иқтибос Шикоят

Яъкуб .Душанбешахр.

Агар худи мансабдорони болои маблаги худи сомони чамъ мекарданду долларро ба бозор медароварданд камбудии доллар дар бозорхо намешуду, суръати доллар боло намерафт. Ба касе пушида нест, ки имруз сарватманд дар Точикистон танхо мансабдоронанд. Чун сармоя чамъ мекунанду ба Чехияву Олмон куч мебанданд. Акалан маблагхои худро дар Бонкхои Точикистон намегузорад, зеро хама бо рохи гайриконуни ба даст овардаанду метарсанд.

Ҷавоб диҳед Иқтибос Шикоят

Эзоҳ илова кунед