Эмомалӣ Раҳмон, раисиҷумҳури Тоҷикистон бо ирсоли як паём ба Георгий Маргвелашвили, раисиҷумҳури Гурҷистон, изҳори ҳамдардӣ кардааст.
Тибқи иттилои дафтари матбуоти раисиҷумҳури Тоҷикистон Эмомалӣ Раҳмон дар паёмаш аз ҷумла зикр кардааст, «Ҷаноби Аълоҳазрат, Дар Тоҷикистон хабари обхезӣ бар асари борони шадиди сел дар Тбилисиро, ки боиси ҳалокати одамон гардида ва ба пойтахт зарари зиёди моддӣ расонидааст, бо андӯҳи гарон дарёфтанд. Аз Шумо , ҷаноби Президент, хоҳиш мекунам тасаллияти қалбӣ ва ҳисси ҳамдардии моро ба хешовандон ва пайвандони ҳалокшудагон расонед”.
Шоми 13 июн, дар шаҳри Тбилисӣ, пойтахти Гурҷистон дар пайи боришоти шаддид ва омадани селоб ҳудуди 15 тан ҷон дода, 24 нафари дигар нопадид шудаанд. Ин ҳодиса аз ҷумла Боғи ҳайвоноти шаҳрро вайрон кардааст. Дар пай ин ҳодиса имрӯз, 15 июн дар Гурҷистон рӯзи мотами миллӣ эълон шудааст. Георгий Маргвелашвилӣ, президенти Гурҷистон ба зарардидангон, аз ҷумла ба хонаводаҳои қурбониёни ин ҳодиса таъзия баён дошта, ваъда додаст, ки дар наздиктарин фурсат маконҳои харобгашта барқарор хоҳанд шуд.Аксҳои обхезӣ дар Тбилисӣ
Мӯҳр