Шикояти имом-хатиб: Маблағи сандуқи қабристону масҷидро рабудаанд
Раёсати умури дохилӣ дар вилояти Суғд аз боздошти як марди 31-сола бо иттиҳоми дуздии маблағи сандуқи хайрияи қабристону масҷиди шаҳри Конибодом хабар медиҳад.
Акбар Шарифов - масъули дафтари матбуоти Раёсати корҳои дохилӣ дар Суғд, ба хабаргузории “Озодагон” гуфт, рӯзи 17 июни соли равон имом-хатиби масҷиди “Машҳад”-и деҳаи Кӯчкаки шаҳри Конибодом бо ариза ба Шӯъбаи умури дохилии шаҳри Конибодом муроҷиат карда, гуфтааст, шаби 12 ба 13-и июн шахсони номаълум пинҳонӣ аз сандуқи қабристони “Сари мазор” ва 16-и июн аз сандуқи ҳуҷраи масҷид маблағи пулӣ дар ҳаҷми тахмин 3-4 ҳазор сомониро рабудаанд: “Масҷиду қабристони шаҳр, ки ба ҳам наздик будаанд, гумонбар аввал маблағи сандуқи қабристон ва сипас, маблағи сандуқи масҷидро рабудааст".
Ҷаноби Шарифов дар идома гуфт, зимни баргузории чорабиниҳои фаврӣ-ҷустуҷӯӣ аз сӯйи кормандони Шӯъбаи умури дохилии шаҳри Конибодом бо иттиҳоми анҷоми ин амал як сокини 31-солаи маҳаллӣ дастгир гардид: “Нисбати боздоштшуда тибқи моддаи 244, қ. 2 – “қаллобӣ”, парвандаи ҷиноӣ боз шуда, тафтишот идома дорад”.
Мӯҳр
ТАҚВИМ
« Май 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 | 4 | 5 |
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 | |