25 июн 2015 09:17Тоҷикистон / Иқтисодӣ

Вакилони Маҷлиси намояндагон созишномаи грантиро якдилона қабул карданд

Маҷлиси намояндагон, палатаи поёнии парлумони Тоҷикистон созишномаи грантиеро дар ҳаҷми 2,7 миллион доллар қабул намуд, ки ҳадафи он беҳтар намудани вазъӣ дастрасии мардуми шаҳру навоҳии шимоли кишвар ба об гуфта мешавад

Меҳринамо Ҷонмаҳмадова, муовини вазири молияи Тоҷикистон рӯзи 24 июн зимни баромадаш дар парлумон гуфт, созишнома миёни Тоҷикистон, КВД “Хоҷагии манзилию комуналӣ” ва Бонки аврупоии таҷдид ва рушд оид ба лоиҳаи беҳтар намудани системаи обтаъминкунии шаҳрҳои шимолӣ кишвар ба имзо расидааст.

Меҳринамо Ҷонмаҳмадова иброз дошт, ин созишнома ҷиҳати беҳтар намудани хизматрасонии обтаъминкунӣ дар як қатор шаҳру навоҳии вилояти Суғд, аз қабили Чкалов, Бобоҷон Ғафуров, Исфара, Қайроққум, Конибодом ва Истиқлол равона мешавад. Ба қавли муовини вазири молия, татбиқи ин лоиҳа соли 2012 оғоз ёфта, то соли 2016 идома хоҳад ёфт: “Мақсад аз қабули созишномаи грантӣ сохтмон, таъмир ва барқарорсозии иншоотҳои обтаъминкунӣ, харид ва таъмини таҷҳизоти лабараторӣ ҷиҳати безарар гардонидани оби нушокӣ, сари вақт ба оби нушокӣ таъмин намудан ва баланд бардошти сифати хизматрасонӣ, инчунин беҳтар намудани фаъолияти корхонаҳои фаръии обтаъминкунӣ ва канализатсияи шаҳру навоҳии ҷумҳурӣ мебошад”.

Меҳринамо Ҷонмаҳмадова татбиқи лоиҳаи беҳтар намудани системаи обтаъминкунии шаҳрҳои шимолӣ кишварро дар доираи созишномаи мазкур муҳим арзёбӣ намуда, аз вакилони маҷлиси намояндагон хост, онро қабул намоянд. Созишнома аз ҷониби вакилон бидуни мухолифат, якдилона қабул гардид.

Мӯҳр

Хабарҳои монанд:

Cафар

Факат даъвои оби тоза мекунему, худамон оби нушидани надорем. бисер хуб аст, ки минтакахо обёри карда мешаванд, аммо шахри Душанбе кай пурра бо об таъмин мегардад? Хусусан дар махалаи 84 кучаи Б Гафуров, мардум дар мохи Шарифи Рамазон соатхо обро интизор мешаванд, валле афсус...... Дар як шабонаруз хамаги 10 соат об хасту халос. Дунеро нишон медихем, чихел мо аз об бой хастем аммо дар хонахоямон об надорем. Аз корхонаи обтаъминкуни пурси аз барк карздор будааст обро пурра таъмин карда наметавонад. Биёед хамун хаки баркрохам ба гардани ахоли бор кунед чи илоч барои дастарси бо об месупоранд дигар чи кор кунанд?

Ҷавоб диҳед Иқтибос Шикоят

Эзоҳ илова кунед