Бахшҳо

КМИР барои посух гуфтан ба нозирони САҲА гуруҳи корӣ таъсис дод

Масъулини Комиссияи марказии интихобот ва раъйпурсии Тоҷикистон (КМИРТ) мегӯянд, барои посухи расмӣ гуфтан ба гузориши ниҳоии нозирони Дафтари ниҳодҳои демократӣ ва ҳуқуқи инсони Созмони амният ва ҳамкорӣ дар Аврупо ба натоиҷи интихоботи парлумонии якуми марти кишвар, як гуруҳи корӣ таъсис додаанд.

Тавре аз КМИР хабар доданд, ба ҳайати ин гуруҳи корӣ 7 узв ва намояндаи масъули Комиссияи марказии интихобот ва раъйпурсии Тоҷикистон шомиланд.

Интихоботи парлумонии Тоҷикистон рӯзи якуми марти соли равон баргузор шуда, барои 63 курсии Маҷлиси намояндагон 288 номзад, ки аксари онҳо намояндаи яке аз 8 ҳизби сиёсӣ буданд, вориди рақобат шуданд.

Бар асоси натоиҷи интихобот, ки КМИРТ эълон кард, ҲХДТ бештари курсиҳоро соҳиб гардидааст. Ин ташкилоти сиёсӣ бо дарёфти аксари оро танҳо аз рӯйхати ҳизбӣ соҳиби 51 курсӣ дар парлумон шуд. Ҳизбҳои наҳзати исломӣ ва коммунистии Тоҷикистон, ки дар парлумони гузашта ҳар кадом соҳиби 2 курсӣ буданд, аз рӯйхати ҳизбӣ ба парлумон роҳ наёфтанд.

Нозирони Созмони амният ва ҳамкорӣ дар Аврупо гуфтанд, наметавонанд бигӯянд, ки интихоботи парлумонии рӯзи якуми марти Тоҷикистон шаффоф ва озод буд. Миклош Ҳарастӣ, раиси Миссияи нозирони интихоботи Дафтари институтҳои демократӣ ва ҳуқуқи башари Созмони амният ва ҳамкорӣ дар Аврупо дар як нишасти хабарӣ он вақт муҳимтарин нуктаи интихоботро дар фазои амну субот баргузор шудани он қаламдод кард, аммо гуфт, наметавонанд, онро шаффоф бигӯянд. Ӯ аз чанд ҳолати қонуншиканӣ, назири ба ҷои чанд нафар овоз додани як тан ва такроран, то даҳ маротиба раъй додани як нафар ишора кард ва гуфт, Комиссияи марказии интихобот ва раъйпурсӣ натавониста, барои аъзои комисия дастур бидиҳад, то ҳувияти интихобкунандаҳо мушаххас гардад. Ба қавли ҷаноби Ҳарастӣ, онҳо наметавонанд бигӯянд, ки интихоботи гузашта аз ҳукумат вобаста набуд, “зеро дар ҳайати комиссия кормандони ҳукуматӣ ворид шуда буданд, хусусан дар шумориши оро”.

Ба назари нозирони САҲА аз 50 то 70 дарсади оро дар шароити бисёр бад ҳисоб шудааст, ки нишондиҳандаи бисёр нигаронкунанда мебошад.
Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)