Қиёмиддин Аваз баъди баҳс бо ноиби Убайдуллоев аризаи берунравӣ аз ҲНИТ-ро имзо кардааст
Дар ин бора Қиёмиддин Аваз бо нашри як матлаб дар сомонаи ҲНИТ иттилоъ дода, изҳор доштааст, ки дар пайи фишору таҳдидҳои зиёд алайҳи наздикону пайвандонаш, аз ҷумла падару модараш маҷбур шуд, зери аризаи берун шудан аз саффи ин ҳизб имзо гузорад.
Ба қавли Аваз, гӯиё барои берун рафтани ӯ аз саффи Ҳизби наҳзати исломӣ падараш таҳти фишор қарор гирифта, ҳатто аз ноҳияи Вахш ба шаҳри Душанбе оварда шудааст, то аз фарзанди худ талаб кунад, зери ариза имзо гузорад: “Ӯро ба идораи ҳукумати шаҳри Душанбе бурда, аз ман ҳам даъват карданд, ки ба ҳукумати шаҳр равам ва вақте падарам ин корро аз ман хост ман ҳам рафтам. Фазо гувоҳи ин буд, ки аллакай бо падарам радубадалҳои зиёде сурат гирифтаву падарамро водор кардаанд, ки бояд маро барои канор рафтан аз масъулияти ҳизбӣ розӣ кунонад. Дар утоқи муовини раиси шаҳри Душанбе Ҷ. Лангариева ба ҷуз ӯ боз раиси шуъбаи кумитаи дини шаҳр ҳузур доштанд, ки дари утоқи кориро сари чанд вақт як нафар боз мекарду мепӯшид.
Радубадалҳои дар бораи ҲНИТ натиҷае ба бор намеовард. Ҳар боре, ки муовини раиси шаҳр мехост ҲНИТ-ро барои кишвар як омили хатарзо нишон бидиҳад, ман онро бо факту далел рад мекардам. Ҳамаи даъвоҳои онҳо алайҳи ҳизб беасос ва тӯҳмат буданд”.
Ӯ дар охир таъкид кардааст, ки ҳарчанд зери аризаи берун рафтан аз ҲНИТ имзо гузоштааст, вале “то замоне, ки ҳизб дар майдони сиёсати Тоҷикистон расман фаъолият дорад, худро узви комили он меҳисобам”.
Ин дар ҳолест, ки Маҳмадалӣ Ҳайит, муовини раиси Ҳизби наҳзати исломии Тоҷикистон дар нишасти изтирории ахири ин ҳизб гуфт, тамоми аризаву дархосте, ки масъулон ва аъзои ҲНИТ зери фишор навиштаанду менависанд, эътибор надоранд: “Бар асоси қарори Шӯрои сиёсии ҲНИТ аз 8 майи соли 2015 тамоми ин аризаву дархости масъулон ва аъзои ҲНИТ, ки зери фишор навишта ё изҳор шудаанд, эътибори юридикӣ надоранд”. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
