Ёддошти Душанбею Теҳрон барои ҳалли мушкилоти нақби "Истиқлол"
Ёддошти тафоҳуми ҳамкорӣ миёни ҳукуматҳои Тоҷикистону Эрон оид ба идомаи бозсозии нақби Истиқлол, ки шаҳри Душанберо бо Хуҷанд мепайвандад, ба имзо расидааст.
Ба иттилои дафтари матбуоти Вазорати умури хориҷии Тоҷикистон, ин ёддошт рӯзи 7 июли соли равон дар ҳошияи мулоқоти Неъматулло Эмомзода, сафири Тоҷикистон дар Эрон бо Ҳомид Читчиён, вазири неруи ин кишвар дар шаҳри Теҳрон имзо шудааст.
Сафири Тоҷикистон таъкид кардааст, ки имзои санади мазкур ба ҳалли мушкилот дар корҳои боқимондаи нақб мусоидат хоҳад кард.
Бунёди нақби “Истиқлол”, ки дар гарданаи Анзоб воқеъ асту шаҳри Душанберо бо шимоли кишвар пайваст мекунад, аз соли 1998 бо кӯмаки молии Эрон аз ҷониби ширкати “Собир Интернешнл” оғоз шуд. Моҳи майи соли 2003 Душанбе ва Теҳрон барои анҷоми корҳои сохтмонӣ Ёддошти тафоҳум тасвиб карданд. Барои иҷрои ин тарҳ 39 миллион доллар ихтисос шуда, аз ин миён 21 миллион доллар кумаки билоивази Эрон мебошад. Айни ҳол бо вуҷуди ифтитоҳи расмии нақб вазъи он ногувор буда, мусофирон зимни убури он ба мушкилиҳо дучор мешаванд. Охири моҳи июни соли равон рафтуо тавассути ин нақб дубора маҳдуд шуда, ҳоло дар асоси созишномаи дуҷониба миёни ҳукумати Тоҷикистону Эрон корҳои бозсозию бастани маҷроҳои об дар мавзеъҳои алоҳида, бетонрезии қабати болоии роҳ, равшаннамоӣ ва ҳавотозакунӣ идома дорад.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |